Xəbər verdiyimiz kimi, sentyabrın 19-da Azərbaycan Respublikasının Silahlı Qüvvələri  Qarabağ iqtisadi rayonunda lokal xarakterli antiterror tədbirlərinə başladı.
Dalidag.az xəbər verir ki, 23 saat 44 dəqiqə çəkən əməliyyat  sentyabrın 20-də separatçıların ağ bayraq qaldıraraq təslim olması ilə nəticələndi.
Təəssüf ki, antiterror tədbirləri  itkisiz ötüşmədi. Şəhid və yaralılarımız olduğu məlumdur. Kəlbəcərdən  iki şəhidimiz  var. Onlardan biri Kəlbəcər rayon Çayqovuşan kənd sakini  Dağbəyi Sabay oğlu Orucovdur. Şəhidlə vida mərasimi Murovdağ qəsəbəsində olacaq. 
Digər şəhidimiz Elçin Habil oğlu Salmanov  Kəlbəcər  rayon  Çaykənd nümayəndəliyi Kəndyeri kəndindəndir. Şəhidlə vida mərasim Yevlax  şəhər  32-ci  məhəllədə olacaq.
Allah  bütün şəhidlərimizə rəhmət eləsin, ruhları şad olsun!

Dalidag.az