Kəlbəcər ictimaiyyətinə daha bir ağır itki üz verdi, daha bir müəllim ömrü yarımçıq qaldı.
Dalidag.az xəbər verir ki, Kəlbəcər rayon 20 nömrəli tam orta məktəbin direktoru Şəfi Murtuzayev vəfat edib.
 
Qeyd edək ki, Şəfi Həsən oğlu Murtuzayev YAP Kəlbəcər rayon təşkilatının fəal üzvlərindən olub.  
İxtisasca riyaziyyatçı olan Ş.Murtuzayev həm müəllim, həm direktor kimi fəaliyyəti ilə rayon ictimaiyyətinin rəğbətini qazanıb. Bununla yanaşı, o rayonun ictimai-siyasi həyatında yaxından iştirak edib. İdarəçiliyi və nümunəvi rəhbərliyi vətəndaş olaraq da onun üstün keyfiyyətinin təzahürüdür. Rəhbərlik etdiyi orta məktəbdən yüzlərlə məzunun universitetlərə qəbul olunması onun direktor kimi fəalliyyətinin yüksək səviyyədə olmasının göstəricisidir.
Səmimi insan, dəyərli pedaqoq, vicdanlı məmur, ən əsası əsl vətəndaş kimi yaddaşlarda qalan Şəfi Murtuzayevin əziz xatirəsi sevənlərinin qəlbində daim yaşayacaq. 
Allah rəhmət etsin!

Dalidag.az