Dalidag.az xəbər verir ki, mərasimdə şəhidin ailə üzvləri ilə yanaşı, Millət vəkili Aqil Məmmədov, Nazirlər Kabineti Aparatının sektor müdiri Qurban Sadıqov, YAP Kəlbəcər rayon təşkilatının sədri Həbib Misirov, digər ziyalılar, mətbuat işçiləri, ictimaiyyət nümayəndələri iştirak ediblər.

İlk öncə  Şəhidin ruhuna dualar oxunub və şəhidlərimizin əziz xatirəsi anılıb.

  

Anım mərasimində Millət Vəkili Aqil Məmmədov və digər natiqlər öz çıxışlarında Mahir Quliyevin  keçdiyi şərəfli döyüş və ömür yolundan söz açaraq, şəhidlərimizin qəhrəmanlığından bəhs etdilər. Natiqlər bildirdilər ki, şəhidlərimizin qisasi Müzəffər Ali baş komandanın qətiyyəti və Müzəffər Azərbaycan Ordusunun şücaəti nəticəsində layiqincə alınıb. Bu gün şəhidlərimizin ruhu artıq şaddır. Nə qədər ki, Azərbaycan dövləti var şəhidlərimiz daima hər birmizin qəlbində əbədi olaraq yaşayacaq. Resublikamızın hər yerində olduğu kimi,  işğaldan azad edilmiş torpaqlarımızda da artıq əzəmətli Azərbaycan bayrağı dalğalanır. Eyni zamanda çıxış edənlər bildirdilər ki, belə  tədbirlər mütəmadi olaraq keçirilməli, vətən yolunda şəhid olmuş hər bir şəhidimizin xatirələri daima əziz tutulmalıdır.

Sonda çıxış edən şəhid Mahir Quliyevin qardaşı, əməkdar jurnalist Əlövsət Ağalarov və ailə üzvləri tədbir iştirakçılarına öz təşəkkürünü bildirərək, şəhid ailələrinə göstərilən diqqətə görə ölkə rəhbərliyinə  minnətdarlıqlarını bildiriblər.

Allah bütün Şəhidlərimizə rəhmət eləsin!