Kəlbəcər rayon İcra Hakimiyyətinin, YAP Kəlbəcər rayon Təşkilatının  və “Aşıq Şəmşir Mədəniyyət Ocağı” İctimai Birliyinin birgə təşkilatçılığı ilə “Heydər Əliyev İli” çərçivəsində “Ulu Öndər ideyaları əsasında reallaşan qayıdış” mövzusunda tədbir keçirilib.

Dalidag.az-ın xəbərinə görə, “Aşıq Şəmşir Mədəniyyət Ocağı” İctimai Birliyində baş tutan tədbirdə Rəqəmsəl İnkişaf və Nəqliyyat nazirinin müavini Cavid Qurbanov, YAP Veteranlar Şurasının üzvü Şahlar Əsgərov, Kəlbəcər rayon İcra Hakimiyyətinin başçısı Azər Qocayev, Millət vəkili Aqil Məmmədov, YAP Kəlbəcər rayon təşkilatının sədri Həbib Misirov, Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Regional idarəetmə və status şöbəsinin müdiri Sənan Hüseynov, İqtisadi İslahatların Təhlili və Kommunikasiya Planlaşdırma və inkişaf departamentinin rəhbəri, iqtisad elmləri doktoru Aqil Əsədov və rayon ictimaiyyətinin nümayəndələri iştirak etmişdir.
Tədbir  Ulu Öndər Heydər Əliyevin və Vətənimizin bütövlüyü uğrunda canından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Daha sonra “Ulu Öndər ideyaları əsasında reallaşan qayıdış” mövzusu ətrafında  çıxış edən Rəqəmsəl İnkişaf və Nəqliyyat nazirinin müavini Cavid Qurbanov, YAP Veteranlar Şurasının üzvü Şahlar Əsgərov, Kəlbəcər rayon İcra Hakimiyyətinin başçısı Azər Qocayev, Millət vəkili Aqil Məmmədov, YAP Kəlbəcər rayon təşkilatının sədri Həbib Misirov, Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Regional idarəetmə və status şöbəsinin müdiri Sənan Hüseynov, İqtisadi İslahatların Təhlili və Kommunikasiya Planlaşdırma və inkişaf departamentinin rəhbəri, iqtisad elmləri doktoru Aqil Əsədov və digər natiqlər Ümumilli Liderin xalqımız qarşısındakı misilsiz xidmətlərindən söz açaraq, müasir, müstəqil Azərbaycanın hərtərəfli inkişafında Ulu Öndərin danılmaz əməyinin, düşünülmüş, uzaqgörən siyasətinin dayandığını qeyd etmişdirlər.Eyni zamanda natiqlər vurğulamışdırlar ki,  xalqımızın Ümumilli Lideri Heydər Əliyevin ölkəmizə rəhbərlik etdiyi dövrdə Azərbaycanda yaratdığı ictimai sabitlik, balanslaşdırılmış daxili və xarici siyasət, ordu quruculuğu və iqtisadi inkişaf bu gün onun layiqli siyasi varisi, Müzəffər Ali Baş Komandan, dövlətimizin başçısı cənab İlham Əliyev tərəfindən uğurla davam etdirilir.Məhz bu siyasətin məntiqi nəticəsi olaraq Azərbaycan beynəlxalq arenada söz və qüdrət sahibidir. Müzəffər Ali Baş Komandan, dövlətimizin başçısı cənab İlham Əliyevin dəmir yumruğu, xalqımızın milli birliyi və ordumuzun şücaəti sayəsində 44 günlük Vətən Müharibəsində Zəfər qazanıldı, işğal altında olan torpaqlarımız, o cümlədən Kəlbəcərimiz düşmən tapdağından azad edildi. Dövlətimizin başçısı tərəfindən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın təsdiq etmişdir. Dövlət Proqramından irəli gələn vəzifələrin və qarşıya qoyulan hədəflərin uğurla yerinə yetriliməsi üçün hər bir vətəndaşın səylə çalışması, Böyük Qayıdışa öz töhvəsini verməsinin vacibliyi vurğulanmışdır. Ulu Öndərin ideaları və müəyyənləşdirdiyi düzgün siyasi xəttin xalqımızı Böyük Qayıdışa apardığını vurğulayan natiqlər,  bu gündə, sabahda müasir, müstəqil və qüdrətli Azərbaycanı dövlətimizin başçısı, Müzəffər Ali Baş Komandan, cənab İlham Əliyevin rəhbərliyi altında Ulu Öndərin müəyyənləşdirdiyi düzgün siyasi xətlə, Azərbaycançılıq idelogiyası ilə uğurla inkişaf edəcəyini bildirmiş, işğaldan azad olmuş torpaqlarımızın cənnət diyara çevriləcəyini qeyd etmişdirlər.
Qeyd edək ki, “Heydər Əliyev İli” çərçivəsində Kəlbəcər rayonunda silsilə tədbirlər davam etdiriləcəkdir.

Dalidag.az