Kəlbəcər rayon sakinləri ilə görüş keçirilib.

Dalidag.az-ın xəbərinə görə, görüşdə Milli Məclisin deputatı Aqil Məmmədov, YAP Kəlbəcər rayon təşkilatının sədri Həbib Misirov, İqtisadiyyat Nazirliyinin əməkdaşı Saxvət Əliyev və rayon sakinləri iştirak edib. 
Milli Məclisin deputatı Aqil Məmmədov və YAP Kəlbəcər rayon təşkilatının sədri Həbib Misirov görüşdə Azərbaycan Respublikasının Prezidenti İlham Əliyevin müvafiq Sərəncamı ilə bu il ölkə ərazisində " Heydər Əliyev" ili elan edilməsi, dövlət başçısının tapşırığına əsasən həyata keçirilən  Böyük Qayıdış Planından, habelə Xankəndi Laçın yolunda davam edən aksiyadan ətraflı söhbət aparmışlar. Qardaş ölkə Türkiyədə baş verən zəlzələ barədə ətraflı məlumat verən millət vəkili Aqil Məmmədov hər zaman Türkiyə dövlətinin və xalqının yanında olduğumuzu, dövlət başçısının tapşırığı ilə qardaşlarımıza hərtərəfli dəstək göstərildiyini, eyni zamanda xalqımız tərəfindən qardaş dövlət üçün humanitar yardım aksiyalarının başlanılmasını vurğulamışdır. Natiqlər bu aksiyalarda hər birimizin fəallıq göstərməsinin vacib olduğunu vurğulayaraq faciə qurbanlarına Uca Allahdan rəhmət, yarılara şəfa diləyiblər.

Dalidag.az