Rəsul Mamedov
BDU-nun tələbəsi,
Kəlbəcər rayonu Başlıbel kəndi

Bildiyimiz kimi, tarixən Ermənistan Azərbaycana düşmən münasibəti bəsləyərək torpaqlarımızı işğal edib dövlətimizin ərazi bütövlüyünü pozaraq, öz çirkin əməllərini və siyasətlərini dədə-baba torpaqlarımızda həyata keçiriblər. Dəfələrlə edilən xəbərdarlıqlara, beynəlxalq tədbirlərdə cənab Prezidentin səsləndirdiyi sərt bəyanatlara, beynəlxalq hüquq və tarixi cəhətdən də bizim haqlı olmağımıza baxmayaraq, Ermənistan tərəfi bütün bunları qulaq ardına vurur, beynəlxalq norma və hüquqa qarşı saymazlıq nümayiş etdirərək, havadarları tərəfindən ona diqtə olunanı edir, tez-tez Azərbaycanın mülki yaşayış məskənlərini atəşə tutur, insanları qorxu altında saxlayırdı. Nəhayət, 2020-ci ilin sentyabrında Azərbaycan silahlı qüvvələrinin ermənilərin növbəti təxribatına cavab verməsi ilə başlayan vətən müharibə­sində cənab Prezident İlham Əliyevin düşünülmüş və qətiyyətli siyasəti, qəhrəman əsgər və zabitlərimizin şücaəti, şəhidlərimizin canı, qazilərimizin qanı ilə 44 gün ərzində düşmənə öz layiq olduğu yeri göstərərək, tarixi torpaqlarımızı düşmən tapdağından azad etdik. Müharibə cəmi 44 gün çəksə də, düşmənin basdırdığı minalar bu günümüzdə də can almağa, qan axıtmağa davam edir. Dəfələrlə Azərbaycan tərəfi mina terroruna qarşı çıxsa da, basdırılan minaların xəritələrini tələb etsə də, qarşı tərəf həmişəki kimi, düşmənçiliyi davam etdirərək xəritələrin verilməsindən boyun qaçırır. Düşmənin bəd əməlləri tək mina terroru törətməklə bitmir, bununla bərabər torpaqlarımızda ekoloji terror da törədir.
Bədnam qonşularımız, sülhməramlı adlandırılan qüvvələrin müvəqqəi yerləşdiyi Azərbaycan ərazilərində, yeraltı və yerüstü sərvətləri qanunsuz və insafsızcasına istismar edir. Dəfələrlə bu barədə müxtəlif tribunalardan dünyanın aparıcı dölətlərinə, beynəlxalq təşkilatlara, Ermənistan rəsmilərinə çağırışlar edilsə də, düşmən öz çirkin əməllərindən əl çəkmir, yataqları qanunsuz istismar edir, təbiətlə qəddarcasına davranırdı. Bütün bunlara səbri çatmayan azərbaycanlı ekoaktivistlər, bir sıra ekoloji QHT nümayəndələri, könüllülər  12 dekabr 2022-ci il tarixində “Ekoloji terrora son!”, “Öz ərazilərimizdə monitorinq aparmağa şərait yaradın” və s. kimi şüarlarla etiraz aksiyasına başladı.  
Onu da qeyd edək ki, bir müddət öncə sülhməramlıların rəhbərliyi ilə Azərbaycanın müvafiq qurum nümayəndələri görüş keçirmiş, müzakirələr aparmış, Qızılbulaq və Dəmirli yataqlarında monitorinq həyata keçirmək barədə razılığa gəlmişlər. Lakin, monitorinq üçün əraziyə getməyə çalışan azərbaycanlı mütəxəssislər “sürprizlə” qarşılaşırlar. Rusiyaya tətbiq edilən sanksiyalardan yayınmaq üçün Qarabağa sığınan erməni əsilli Rusiya milyarderi Ruben Vardanyan öz ətrafına 15-20 erməni qulduru cəlb edərək azərbaycanlı mütəxəssislərin monitorinq aparmasına mane olub. Təbii ki, Vardanyan və ətrafına topladığı quldurların azərbaycanlı mütəxəssislərə qarşı belə barbarcasına davranışı ekoaktivistləri daha da qəzəb-ləndirdi. Təbiəti sevən insanlar təbiətin çağırışlarına, bir qrup quldurun təbiətlə amansız davranışlarına seyrçi qala bilməzdi.   
Aksiya iştirakçıları, monitorinqə şərait yaradılması üçün, Azərbaycan ərazilərində müvəqqəti yerləşdirilmiş Rusiya sülhməramlı qüvvələrinin komandanı general-mayor Andrey Volkovun əraziyə gəlməsini tələb edirdilər. Nəzərə alsaq ki, aksiyanın başlanmasına əsas səbəb Ermənistan tərəfindən Azərbaycan Respublikasının ərazisindəki Qızılbulaq və Dəmirli yataqlarının qanunsuz istismarıdır, aksiya iştirakçıları bu yataqların qanunsuz istismarına son qoyulması, ekoloji terrorun dayandırılması kimi tələblər də səsləndirirdilər.
Hətta aksiya zamanı Azərbaycanın erməni vətəndaşlarına da aksiyaya qoşulmaqla bağlı çağırışlar edildi. Bu da aksiyanın sırf ekoloji terrora qarşı yönəldiyini bir daha ortaya qoyur. Təəssüf ki, erməni tərəfi yataqların monitorinqinə mane olmaqla regionda yeni gərginlik, müharibə ocağı yaratmaq arzularını da hər addımbaşı büruzə verməkdədir. Azərbaycanın ayrı-ayrı ərazilərində  Vardanyanın ermənilərlə görüşlərdə “Mən buraya döyüşə gəlmişəm”, “2 yolu var ya döyüşməli, ya da çıxıb getməliyik” kimi fikirlər səsləndirməsi onun müharibə “həvəsini” açıqca ortaya qoyur. Əslində isə, daha ətraflı şərh etdikdə aydın olur ki, Vardanyan Rusiyanın, Qarabağdakı ermənilər isə Vardanyanın GİROVUDUR. Əks təqdirdə, ilk gəlişində heç bir siyasi vəzifə istəmirəm deyən, sanksiyalardan qorxub Qarabağa qaçan Vardanyan separatçı rejimin “dövlət naziri” kimi Qarabağ ermənilərinin qarşısında at oynada bilməzdi.
Amma, lakin.... Vardanyan da, onun girovu olan Qarabağ erməniləri də, havadarlarına arxayın olaraq 10 noyabr 2020-ci il tarixli üçtərəfli bəyanatın müddəalarını yerinə yetirməkdən böyun qaçırmağa çalışan Ermənistan rəsmiləri də bilsinlər, anlasınlar ki, ehtiyac yarandıqda Azərbaycan xalqı ən qısa zamanda DƏMİR YUMRUQ ətrafında birləşərək, regionda pozuculuq işləri ilə məşğul olanların, revanşist qüvvələrin başını əzəcəkdir. Ekoaktivistlərin, ekoloji QHT nümayəndələrinin 12 dekabr tarixindən etibarən Şuşa-Xankəndi yolu üzərində davam edən aksiyası da bunun bariz nümunəsidir. Əliyalın, dinc insanların “Ekoloji terrora son!” şüarı ilə keçirdiyi bir aksiya Qarabağda yaşayan erməniləri, Ermənistanı bu qədər silkələyirsə, onların havadarlarını bu qədər narahat edirsə, 44 günlük müharibənin nəticələrini və reallıqlarını da hərdən xatırlamaları yaxşı olardı. Qeyd edək ki, Ermənistanın bacısı Fransa Şuşa-Xankəndi yolundakı aksiya ilə bağlı məsələni BMT-də müzakirəyə çıxarmaqla bağlı çağırış edib.
Yekunda Azərbaycanın erməni vətəndaşlarına, Qarabağda yaşamaq arzusunda olan ermənilərə, Ermənistanın revanşist qüvvələrinə üzümü tutaraq bildirmək istərdim ki, ayıq başla yaxşı-yaxşı düşünün, 30 il işğal dövründə işğal etdiyiniz ərazilərdən tör-töküntüləri daşımaqla, zibilliklərdə eşələnməklə nələri qazandınız!? İşğal etdiyiniz hansı ərazidə bir tikinti-quruculuq işləri aparmısınız, haranı abad etmisiniz!? 30 illik “fəaliyyətiniz” elə “ən yaxın dostunuz” donuz kimi eşələnmək olub, işğal etdiyiniz əraziləri donuz yuvasına çevirmisiniz. 1990-cı ilin Azərbaycanı və Ermənistanı ilə 2020-ci ilin, 1 milyondan çox qaçqını olan Azərbaycanı və işğalçı Ermənistanı müqayisə edin. Azərbaycan ucaldıqca, inkişaf etdikcə, Ermənistan alçalır, zəifləyir. Azərbaycan sülhpərvər, beynəlxalq hüquq normalarına hörmətlə yanaşan, regionun inkişafına çalışan dünyəvi dövlətdir. Artıq 10 ildən çoxdur ki, regionda Azərbaycanın xeyir-duası olmadan hər hansı regional və beynəlxalq layihənin uğurla reallaşması qeyri-mümkündür. Ağlınızı başınıza yığın (əgər varsa), əksər inkişaf göstəriciləri ilə Qafqazın lideri olan Azərbaycanla qonşuluqdan yararlanmağa, beynəlxalq və regional layihələrdən, gec də olsa, pay almağa çalışın. Əks təqdirdə, 44 gün ərzində aldığınız, yüzilliklər boyunca unutmayacağınız DƏMİR YUMRUQdan daha bir pay alacaqsınız.

Dalidag.az