---

Bu gün 44 günlük müharibənin son günü düşmən pusqusuna düşərək şəhid olan Polkovnik- leytenant Rasim Abdullayevin anım günüdür. Rasim Abdullayev, Vətən müharibəsi tarixində şəhid olan ən yüksək rütbəli şəhid hərbi həkimdir.
Hərbi orkestrin müşayiəti ilə dövlət himni səsləndirlib. Şəhidlərin xatirəsdi bir dəqiqəlik sükutla yad edilib.
Şəhidin anım günündə ailəsi, yaxınları və dövlət rəsmiləri iştirak edib.
Milli Məclisin Kəlbəcər rayonundan olan deputatı Aqil Məmmədov Rasim Abdullayevin vətənini sevən bir insan olduğunu və işini sevərək gördüyünü nümunəvi hərbçi və eyni zamanda, gözəl şair olduğunu söyləyib. Deputat Rasmin Abduııayevin döyüşlərdə könüllü iştirak etməsini onun necə vətənsevər, cəsur insan olduğunu göstərdiyini bildirib. Şəhid ailələrinə dövlətin mənəvi, sosial dəstəklərinin sistemli xarakter aldığını bildirən millət vəkili qeyd edib ki, bu diqqət və qayğıdan heç bir şəhid ailəsi, heç bir qazi kənarda qalmayacaq. 
Abşeron rayon İcra hakimiyyəti başçısının birinci müavini Gülnar Rəhimova şəhidin ailəsinə başsağlığı verərək, Abşeron rayonundan olan şəhid ailələrinə və qazilərə hər zaman dəstək olduqlarını onlara hər daim yaxından maraqlandıqlarını, onların hər zaman dəyərli olduqlarını bildirib.
Sonra ziyarət iştirakçıları üçün ehsan süfrəsi açılıb.









Eltac Zülfüqaroğlu/Turkustan.az