Dalidag.az bildirir ki, millət vəkili Azərbaycanın tarixinə qızıl hərflərlə yazılmış 44 günlük Vətən müharibəsi şəhidi Eldəniz Verdiyevin ailə üzvlərini 8 Noyabr - Zəfər Günü münasibətilə təbrik edib. Şəhidin ailə üzvləri ilə həmsöhbət olub, mənəvi dəstəyini ifadə edib.

Görüş zamanı şəhidlərimizin müqəddəs amal uğrunda canlarından keçdiyini və daim onların hünərinin Azərbaycan xalqının yaddaşında yaşayacağını qeyd edib. Mərd oğullarımızın qəhrəmanlıqla dolu döyüş yolundan söhbət açan Millət Vəkili Azərbaycan dövlətinin,  Azərbaycan xalqının öz şəhidlərinin xatirəsini daim yaşadacağına, onların adlarının yaddaşlarımızdan silinməyəcəyinə əminliyini ifadə edib. Aqil Məmmədov Müzəffər Ali Baş Komandan, Prezident İlham Əliyevin rəhbərliyi altında 44 günlük Vətən müharibəsində qazanılmış Zəfərimizdən danışaraq torpaqlarımızın işğaldan azad olunmasında Azərbaycan oğullarının şücaətini yüksək qiymətləndirib. Şəhid ailələrinə, qazilərə dövlət qayğısından söhbət açan Aqil Məmmədov onlar tərəfindən qaldırılan istənilən problemə dövlət qurumları, vətəndaşlar və cəmiyyətimiz tərəfindən xüsusi həssaslıqla yanaşıldığını diqqətə çatdırıb.

Görüşdə Şəhidin ailə üzvləri onlara dövlət səviyyəsində böyük diqqət və qayğı göstərildiyini vurğulayıb, buna görə Prezident İlham Əliyevə və Birinci vitse-prezident Mehriban xanım Əliyeva təşəkkürlərini ifadə ediblər.

 Bu cür görüşlər davam etdirilir.