Kəlbəcərli şəhid Ömər Şirinovla vida mərasimi keçirildi - ŞƏKİLLƏR

14-09-2022 19:13
Sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhəddinin müxtəlif istiqamətlərində törətdikləri genişmiqyaslı təxribatın qarşısı alınarkən qəhrəmancasına şəhid olan Kəlbəcər rayonunun Qasımlar kənd sakini, Goranboy rayonu Aşağı Ağcakənd qəsəbəsində məskunlaşmış 20.09.1999-cu il təvəllüdlü, leytenant Şirinov Ömər Muğan oğlu bu gün Goranboy rayonu Zeyvə kənd qəbirstanlığında dəfn edildi.

Təşkil olunan vida mərasimində Kəlbəcər rayon İcra Hakimiyyətinin başçısı Azər Qocayev, YAP Kəlbəcər rayon təşkilatının sədri Həbib Misirov, Səfərbərlik və Hərbi Xidmətə Çağırış üzrə Dövlət Xidmətinin Kəlbəcər rayon şöbəsinin rəisi Polkovnik-leytenant Nazim Çələbiyev, o cümlədən Goranboy və Xocalı rayon İcra Hakimiyyətlərinin başçıları, RİH-nin məsul əməkdaşları, ictimaiyyət nümayəndələri, şəhidimizin ailə üzvləri və yaxınları iştirak etdilər. Şəhidimizin ruhuna dualar oxundu, ailə üzvlərinə Allahdan səbr dilədilər. 
Mərasimdə Kəlbəcər rayon İcra Hakimiyyətinin başçısı Azər Qocayev  şəhidin ailə üzvlərinə dərin hüznlə başsağlığı verdi. Qeyd etdi ki, Müzəffər Ali Baş Komandan,Cənab Prezident İlham Əliyevin rəhbərliyi ilə Şanlı Ordumuz tərəfindən 30 ilə yaxın düşmən tapdağında olan torpaqlarımız azad olundu. Torpaqlarımızın azadlığı uğrunda şəhadətə yüksələn igid oğullarımız daim xalqımızın qəlbində yaşayacaq.

Allah bütün şəhidlərimizə rəhmət etsin.
Vətən sağ olsun!

Dalidag.az



Kateqoriya: Kəlbəcər
Tarix: 14-09-2022 19:13
Baxış sayı: 3165
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını