Kəlbəcər ictimaiyyətinə daha bir ağır itki üz vermişdir.
Ermənistanın hərbi təcavüzü nəticəsində 1993-cü il 2 aprel tarixdə Kəlbəcər rayonu işğal edilmiş, . Kəlbəcər rayonunun Nadirxanlı kənd sakini Əliyev Əli Qasım oğlu öz ailə üzvləri ilə birlikdə Abşeron rayonunun Xırdalan şəhərində müvəqqəti məskunlaşmışdır.
Əli Əliyev 1948 ci il 1 oktaybr tarxdə  Kəlbəcər rayonunun Nadirxanlı kəndində anadan olmuşdur. Əli Əliyev Zaqatala Politexnik  Texnikumunu bitirdikdən sonra uzun illər Kəlbəcər Rayon Kolxozlararası Tikinti İdarəsində iş icraçısı  vəzifəsində çalışmışdır. İşlədiyi müddətdə rayonun əksər yaşayış məntəqələrindəki sosial obyektlərin tikintisini həyata keçirmiş, rayonda ən nümunəvi və məsuliyyətli  iş icraçılarından  biri olmuşdur.
Uzun sürən ağır xəstəlikdən sonra 2022-ci il 28 avqust tarixdə Əli Əliyev müvəqqəti məskunlaşdığı Abşeron rayonunun Xırdalan şəhərində vəfat etmişdir.  
Əli Əliyevin atası Qasım Bəxtiyarov və anası Tavat Bəxtiyarova da məcburi köçkünlük həyatı yaşamaqla uzun illər Abşeron rayonunun Xırdalan şəhəri ətrafında vaqonlarda yaşamış və vəfat etmişlər.
Kəlbəcər rayonunun Nadirxanli kəndində, Əli Əliyevin  və valideynlərinin yaşadıqları ev və onların həyətyanı sahələri kəndi iki hissəyə bölən Tərtər çayının sağ sahilində bir kilometrə yaxın məsafəni əhatə edirdi. 
O, Kəlbəcər həsrəti ilə dünyasını dəyişdi.
Allah rəhmət eləsin!

Dalidag.az
(Turkustan.az)