Aqil Aydın oğlu Mamedov


Həyatımızda əlamətdar, yadda qalan günlər çox olur. Yaşımızın üstünə yaş gəlsə də, doğum günümüz də əlamətdar günlərdən sayılır. Bəzən istəsək də, istəməsək də doğum gnlərimizi qeyd etməli oluruq. Bu da unutmayan, dəyər verən dostların, yaxınların diqqəti sayəsində olur. Dost dostun şad gününə sevinər, ürəyi açılar. Ən gözəl təbriklər, ən gözəl sözlər dosta ünvanlanar. İllərdir çiynimizi əyən dərd yükünü yerə qoyduğumuza görə, artıq ürəkdən sevinməyə, şad günlərimizi açıq ürəklə qeyd etməyə də haqqımız var. Bu gün də o günlərdəndi ki, dostumuzun, məsləkdaşımızın ünvanına xoş sözlər söyləmək, ona gözəl arzular diləmək keçir könlümüzdən. 
Bu gün  dəyərli həmyerlimiz, "Çovdar və Şahkərəm" Cəmiyyətinin üzvü Aqil Aydın oğlu ömür  nərdivanının növbəti pilləsinə qədəm qoyur. İllərdir təqvimin adi günü kimi ötürdüyümüz bu günkü tarix indi mahiyyətini dəyişib. Artıq  iki ildir  həsrət, nisgil, acı içində qarşılamırıq doğum günlərimizi. 
Aqil bəy vətənini, yurdunu, el-obasını sevən vətənpərvər  həmyerlilərimizdəndir. Cəmiyyətimizin inkişfındakı fəaliyyəti danılmaz və təqdirəlayiqdir.  Bu yaxınlarda 30 il həsrət qaldığı ata yurdunu ziyarət edib. Deməli, doğum gününü daha sevincli,  ürəkdən qeyd etmək üçün Aqil bəyin  mübarək səbəbi var. İllər sonra həsrətindən qovrulduğu yurd  torpağının ətrini ciyərlərinə çəkən insana bundan böyük hədiyyə ola bilməz.
"Çovdar və Şahkərəm" Cəmiyyəti əziz həmyerlimizi, əqidədaşımızı doğum günü münasibəti ilə ürəkdən təbrik edir, sevinci - uğuru bol ömür diləyir. Cəmiyyətin fəal üzvünü Tanrı möcüzəsi Kəlbəcərə, doğulub boya-başa çatdığı kəndinə qovuşması sevincinə şərik olur, gözün aydın, ziyarətin mübarək deyir. Cəmiyyyət olaraq qarşılarına qoyduqları məqsədə birlikdə çatmağı, missiyalarının həyata keçdiyinin bərabər şahidi olmağı arzu edir.

Dalidag.az