Həmyerlimiz Azərbaycan Aşıqlar Birliyi Gəncəbasar bölməsinə sədr seçilib

03-06-2022 21:00

Azərbaycan Aşıqlar Birliyinin Gəncəbasar bölməsi təsis edilib. Əslən Kəlbəcərdən olan aşıq Elbrus bölməyə sədr seçilib.

Dalidağ.az xəbər verir ki, bu barədə aşıq Elbrus Kəlbəcərli özü məlumat verib:

                    Aşıq Elbrus

"Azərbaycan Aşıqlar Birliyinin Gəncəbasar bölməsi yaradıldı. Bölməyə mənim namizədliyim irəli sürüldü və yekdilliklə qəbul olundu. Bölmənin Göyçə, Göygöl təmsilçisi ustad aşıq Fətullah, aşıq Əlləddin, Kəlbəcər təmsilçisi aşıq Əhliman, aşıq Əfqan, Şəmkir təmsilçisi aşıq Vüqar, Göranbay təmsilçisi Elnur Baxış təyin olundu. Gəncəbasar bölməsinin sədr müavinləri aşıq İlqar Nəcəfoğlu, aşıq Şöhrət təyin olundu. Bu işdə əməyi olan Azərbaycan Aşıqlar Birliyinin sədri professor Məhərrəm Qasımlıya təşəkkür edirəm. Bizə dəyər verib tədbirimizdə iştirak elədiklərinə görə milli məclisin deputatı Aqil Məmmədova, YAP Kəlbəcər Rayon təşkilatının sədri Həbib Misirova, Gəncə Regional Mədəniyyət İdarəsinin rəisi Vasif Cənnətova, Kəlbəcər Rayon İcra başçısının müavini Fərqanə xanıma, Gəncə Regional Mədəniyyət İdarəsi Kəlbəcər Rayon təmsilçisi Xaliq Muxtarova, Kəlbəcər Rayonu Aşıq Şəmşir adına Mədəniyyət Evinin direktoru Akif Bayramova təşəkkür edirəm. Milli-mənəvi dəyərimiz olan aşıq sənəti üçün xeyirli -uğurlu olsun", deyə yeni bölmə sədri vurğulayıb.

Dalidag.az



Kateqoriya: Kəlbəcər / Mədəniyyət
Tarix: 03-06-2022 21:00
Baxış sayı: 2525
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını