Əslən Kəlbəcərdən olan şair, filologiya üzrə fəlsəfə doktoru Ələmdar Bayramov (Cabbarlı) Bakı Dövlət Universiteti Kitabxanaçılıq-informasiya fakültəsinin dekanı seçilib.

Dalidag.az xəbər verir ki, bu barədə şair-publisist, alim Knyaz Aslan bildirib:
"Kitabşünaslıq və nəşriyyat işi kafedrasının dosenti, filologiya üzrə fəlsəfə doktoru Ələmdar Bayramovu (Cabbarlını) yekdilliklə Bakı Dövlət Universiteti Kitabxanaçılıq-informasiya fakültəsinin dekanı seçdik. Kollektivimiz bu demokratik seçkini sevinclə, inamla, etimadla həyata keçirdi. Ümidimiz, inamımız, gözləntilərimiz lap çoxdu. Fakültəmizin 60 illiyi ərəfəsində yeni dekanımızla birgə işıqlı bir mərhələyə qədəm qoyuruq. Əzizimiz Ələmdar müəllimi ürəkdən təbrik edir, ona və fakültəmizin professor-müəllim heyətinə, tələbə kollektivinə şanlı Universitetimizin şərəfini layiqincə qorumaq naminə bol-bol uğurlar arzulayırıq! Nailiyyətlərimiz nurlu, qələbələrimiz qürurlu olsun!"

Qeyd edək ki, Ələmdar Qəmbər oğlu Bayramov (Ələmdar Cabbarlı) 1980-ci ildə Kəlbəcər rayonunun Ağcakənd kəndində anadan olub. Filologiya üzrə fəlsəfə doktoru, dosentdir. Azərbaycan Yazıçılar Birliyinin üzvüdür. 15 sentyabr 2020-ci il tarixindən 2022-ci ilin yanvar ayınadək BDU-nun Kitabxanaçılıq-informasiya fakültəsinin dekan əvəzi olub. Hazırda həmin fakültənin dekanıdır.

Dalidag.az olaraq dostumuz Ələmdar Cabbarlını bu münasibətilə təbrik edir, fəaliyyətində uğurlar arzulayırıq.