Bəli bir Anamız da doğma yurd-yuva deyə-deyə Haqq dünyasına qovuşdu... Bu hamımızın yaxşı tanıdığımız, Qılınclı kənd sakini Fəhruz Nəcəfova idi. Halal zəhməti ilə, insanlığı ilə, səmimiyyəti ilə bütün kəlbəcərlilərin əzizi və doğması idi Fəhruz Anamız 2022 ci il, yanvar ayının 10 da Tərtər rayonunda Haqq dünyasına qovuşdu. Kəlbəcərlilərimiz bir Ana da itirdi. Allah rəhmət eləsin! Ruhu şad olsun! Mən də çox yaxından tanıyırdım. Hətta ömür-gün yoldaşı Novruz əmi ilə və oğlu Oqtayla xoş münasibətlərimiz var idi. Halal əməyinə görə o zaman QAZ 24 markalı "VOLQA" maşını ilə mükafatlandırılmışdı.

Novruz əmi gözəl mexanizator idi. Ona görə də maşınına özü baxardı. Yalnız akkumlyatora su əlavə etmək üçün mənin servisimə gələrdi. Bildiyiniz kimi Kəlbəcərdə ilk avtomobil servisini də mən yaratmışdım.

Oğlu Oqtay o zaman milis şöbəsində işləyirdi. Yaxından dostluğumuz var idi. Sumqayıtdan bir hərbi komisarın müavini vardı.Təəssüflər olsun ki, adı yadımdan çıxıb. Demək olar ki, boş vaxtlarımızı birlikdə keçirərdik. Məlum Qarabağ hadisələri bizləri də biri-birimizdən ayırdı.

Ana itkisi olanda sanki, ürəyimdən bir damar da qırılıb sıradan çıxır. Amma nə yazıq ki, biz Allahın əmrinə tabeyik.

”Gələn qalmaz.. Gedən gəlməz dünyadı...

Bəli yaxşılıqlar yadda qalır. Yaxşı əməllər insanları ucaldır. Yaxşı əməllər  insanları yaşadır...

Fəhruz Anamız sıradan bir qadın deyildi. Onu tanıyanlar bunu yaxşı bilirlər. 1975- 1985 ci illərdə iki çağırış Azərbaycan SSR  Ali Sovetinin deputatı olub. Dəfələrlə orden və medallarla təltif olunmuş bir əmək qəhrəmanı idi. O zaman iki dəfə də ikinci dərəcəli Şöhrət və üçüncü dərəcəli Oktyabr ordeni ilə təltif olunmuşdur. Dediyim kimi o zaman QAZ 24 markalı "VOLQA"  maşını ilə mükafatlandırılmışdı.

Həyat yoldaşı Novruz Əmi başda olmaqla, qızı Mehriban xanıma, oğlu Oqtaya dərin hüznlə baş sağlığı verirəm.Və deyirəm ki, dərdinizə şərikəm, əzizlərim! Son qəminiz olsun. Analarımıza layiq bir şerimlə sizə təskinlik verməyi də özümə borc bildim: