Kəlbəcərli alim vəfat etdi

14-11-2021 12:39


Daha bir soydaşımız yurd həsrətilə dünyasını dəyişdi. 

Dalidag.az xəbər verir ki, iqtisad elmləri namizədi, dossent Rəhman Verdiyev 86 yaşında vəfat edib.

Qeyd edək ki, aqrar sahə üzrə tanınmış alim Rəhman Xəlil oğlu Verdiyev 1935-ci ildə Kəlbəcər rayonunun Yanşaq Kəndində anadan olub. Gəncədə Azərbaycan Kənd Təsərrüfatı İnstitutunun Aqronomluq fakultəsini, Moskvada ixtisası üzrə aspiranturanı bitirib. “Azərbaycanın dağlıq rayonlarında kənd təsərrüfatı istehsalının ixtisaslaşdırılması və sahələrin əlaqələndirilməsi” mövzusunda dissertasiya müdafiə edib və iqtisad elmləri namizədi alimlik dərəcəsi alıb. 
Elmi fəaliyyəti ilə yanaşı uzun müddət müxtəlif idarələrdə ixtisası üzrə çalışıb.
R.Verdiyevin elmi və əmək fəaliyyəti dövlətin diqqətindən kənarda qalmayıb. Belə ki, o, bir neçə medal və “Şərəf nişanı” ordeni ilə təltif edilib.
Allah rəhmət eləsin!

Dalidag.az


Kateqoriya: Kəlbəcər
Tarix: 14-11-2021 12:39
Baxış sayı: 3314
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını