Daha bir həmyerlimiz Kəlbəcərə qovuşmamış dünyasını dəyişdi.
Dalidag.az xəbər verir ki, bu barədə Kəlbəcər birliyi bildirib:

"Bu gün Kəlbəcər rayon ictimaiyyətinə ağır itki üz vermişdir.
Əziz soydaşlarımız, bu gün aldığım kədərli xəbər məni hədsiz dərəcədə sarsıtmışdır. Kələbəcər eli dəyərli ziyalısını, peşəkar dövlət qulluqçusunu, qayğıkeş ailə başçısını, ömrünü dövlətçilik yolunda tükədən və əsl kişilik nümunəsi olan Məhəmmədov Vaqifi son mənzilə yola saldı. Uca Tanrı Vaqif müəllimə rəhmət eləsin, ruhu şad olsun. Allah ailəsinə və yaxınlarına səbr versin. Əziz xatirən hər zaman qəlbimizdə yaşayacaq.
Məhəmmədov Vaqif Kəlbəcər rayonunda uzun müddət müxtəlif vəzifələrdə, o cümlədən Kəlbəcər rayon Təhsil Şöbəsinin müdiri və son iş yeri olaraq Kəlbəcər rayon İcra Hakimiyyətindən çalışmış və Kəlbəcər RİH-dən təqaüdə çıxmışdır. Dövlətimizin başçısı tərəfindən "Tərəqqi medalı" ilə təltif edilmişdir."
Allah rəhmət eləsin!

Dalidag.az