VƏTƏNİNİ CANINDAN ÇOX SEVƏN ŞƏHİDİM

Polkovnik-leytenant Zaur Cəfərov doğma Kəlbəcəri, doğulduğu Başlıbel kəndini canından çox sevirdi. O, bu sevgini həmişə qəlbində gəzdirər, torpaqlarımızın düşməndən azad edilməsi əməliyyatlarına bir gün başlanacağına inanardı. Məhz bu səbəbdən də Zaur hərbçi olmağı qərara almışdı.
Ötən il sentyabrın 27 -də başlayan Vətən Müharibəsində Zaurun vəzifəsi artilleriya komandiri olsa da Zaur elə hey irəli can atır, doğma Kəlbəcərə ilk daxil olan hərbçilərimizdən olmaq istəyirdi. Lakin mənfur düşmənin keçidlərdə  tank əleyhinə minalar döşəməsi Zaur Cəfərovun arzularına son qoydu. Bu gün Başlıbel kənd sakinləri ilə bərabər ölkəmizin hər yerindən II Fəxri Xiyabanda polkovnik-leytenant Zaur Cədərovun  qəbrini ziyarət edənlərin sayı-hesabı yoxdur. Ziyarətçilər şəhidlərimizin xatirəsi önündə hörmət və ehtramlarını bildirirdilər. Fəxri Xiyabanda keçirilən izdihamlı mərasim televiziya kanalları tərəfindən çəkilirdi. 
Allah bütün şəhidlərimizə rəhmət eləsin!

Oqtay SALAHLI
Dalidag.az