Azərbaycan Respublikasının Prezidenti, Ali Baş Komandan cənab İlham Əliyevin və Birinci vitse-prezident, çox hörmətli Mehriban xanım Əliyevanın tapşırıq və tövsiyyələrinə əsasən Vətən müharibəsi şəhidlərinin ailələrinə və qazilərinə hər zaman xüsusi diqqət ayrılır. Onlara dövlət səviyyəsində olunan diqqət və qayğı Kəlbəcər rayonunda da  davam etdirilir. Kəlbəcər Rayon İcra Hakimiyyətinin başçsı Azər Qocayev Vətən müharibəsi şəhidlərinin ailələri və qazilərlə görüşlərə xüsusi önəm verir, səlahiyyətləri daxilində onların qaldırdıqları məsələlərə, müaciətlərə hassaslıqla yanaşıraq, onları narahat edən problemlərin tezliklə həll olunması istiqamətində aidiyyəti üzrə addımlar atır.

Dalidag.az-ın məlumatına görə, bu gün Kəlbəcər Rayon İcra Hakimiyyətinin başçısı Azər Qocayev, cüdo idman növü üzrə  Azərbaycan paraolimpiyaçısı , "Şöhrət" ordeninə, "Əməkdar idman ustası" adına, "Tərəqqi" medalına , "Qızıl çinar" beynəlxalq mükafatına layiq görülmüş və 2016-cı ildə "Azərbaycan Respublikası Prezidentinin fəxri diplomu" ilə təltif edilmiş ikiqat Paralimpiya Oyunları çempionu, ikiqat dünya çempionu, yeddiqat Avropa çempionu və 2015-ci il Avropa Oyunları çempionu, Azərbaycanın Əməkdar İdman Ustası, 7-ci Dan Qara kəmər sahibi,  I Qarabağ müharibəsi əlili və qazisi,  "YAŞAT" Fondunun Himayəçilik  Şurasının üzvü İlham Zəkiyev və  Kəlbəcər Rayon Polis Şöbəsinin rəisi Haxverdi Əkbərovla birlikdə Vətən müharibəsinin şəhidi Məhəmmədli İsmayıl Mahir oğlunun ailəsini ziyarət edib. Vətən uğrunda canından keçən şəhidimizə Allahdan rəhmət, ailəsinə səbir diləyib. Şəhidin keçdiyi şərəfli döyüş yolundan söz açan  İcra Hakimiyyətinin başçısı Azər Qocayev bildirib ki, Məhəmmədli İsmayıl kimi oğullarımız daima qəlblərimizdə əbədi  yaşayacaqdır. Azərbaycan xalqı onlarla qürurur duyaraq şəhidlərimizin xatirəsinin hər zaman  əziz və uca tutacaqdır.

Ölkə Prezidenti, Ali Baş Komandan cənab İlham Əliyevin rəhbərliyi altında 44 günlük Vətən müharibəsində qüdrətli Azərbaycan Ordusunun qazandığı tarixi Qələbədən danışan Azər Qocayev həmin qələbənin qazanılmasında Məhəmmədli İsmayılında payı olduğunu bildirib və  əldə etdiyimiz şanlı Qələbəyə görə şəhidlərimizə, qazilərimizə borclu olduğumuzu qeyd edib.

Şəhid ailələrinin və qazilərin sosial problemlərinin həlli, mənzil-məişət şəraitinin yaxşılaşdırılması istiqamətində dövlət başçısının imzaladığı sərəncamlar barəsində məlumat verən İcra Hakimiyyətinin başçısı “Vətən müharibəsi iştirakçıları və şəhid ailələri ilə işin təşkili şöbəsi”nin yaradılmasının şəhid ailələrinə və qazilərə dövlət səviyyəsində xüsusi diqqətin təzahürü olduğunu vurğulayıb.

Şəhidin atası Mahir Mamedov bildirib ki, Kəlbəcər Rayon İcra Hakimiyyəti tərəfindən daima onun ailəsi diqqətdə saxlanılaraq qayğıları ilə maraqlanıblar. Övladı Məhəmmədli İsmayılın Vətən müharibəsində savaşaraq qəhrəmancasına şəhid olduğunu  və  hər zaman onunla fəxr etdiyini qeyd edərək ailəsi adından  şəhid ailələrinə göstərilən qayğıya və ehtirama görə ölkə başçısı cənab İlham Əliyevə və Birinci vitse-prezident çox hörmətli Mehriban xanım Əliyevaya minnətdarlığını ifadə edib.

Kəlbəcər Rayon İcra Hakimiyyəti tərəfindən şəhid ailələrinə göstərilən diqqət və qayğı bundan sonra da davam etdiriləcəkdir.