Prezident İlham Əliyev Azərbaycan Tibb Universitetinin əməkdaşlarına fəxri adların verilməsi haqqında sərəncam imzalayıb. 
Sərəncama əsasən, Azərbaycan Tibb Universitetinin 90 illiyi münasibətilə Azərbaycanda tibb elminin və təhsilinin inkişafında xidmətlərinə görə Azərbaycan Tibb Universitetinin bir sıra əməkdaşına Azərbaycan Respublikasının fəxri adları verilib.

Dalidag.az xəbər verir ki, əslən Kəlbəcərdən olan ATU-nun Cərrahi xəstəliklər kafedrasının dosenti Malik Əvəz oğlu Şükürov fəxri ad alanların sırasında yer alıb. Dosent “Əməkdar həkim” fəxri adına layiq görülüb.
Qeyd edək ki, M. Şükürov 1993-1995-ci illərdə Kəlbəcər rayon icra hakimiyyəti başçısının müavini, sonra isə Kəlbəcər rayon İcra hakimiyyətinin başçısı vəzifəsində fəaliyyət göstərmiş Əvəz Şükürovun oğlu, Azərbaycanın Milli Qəhrəmanı Şahlar Şükürovun qardaşıdır.

Dalidag.az