Kəlbəcər rayonunda həmişə təhsilə böyük diqqət və qayğı  olmuşdur. Bu səbəbdən də respublikamızda Kəlbəcər rayonunda təhsil almış ziyalılarımizin xüsusi çəkisi vardır. Təhsilə qayğı ənənələri iyirmi səkkiz illik məcburi köçkünlük dövründə də davam etdirilmişdir. Respublikamızın, demək olar ki, bütün rayonlarında fəaliyyət göstərən məcburi köçkün məktəblərə Kəlbəcər rayon təhsil şöbəsi  vahid mərkəzdən rəhbərlik edərək məktəblərdə təhsilin səviyyəsinin yüksəldilməsi üçün vaxtlı-vaxtında lazımi tədbirlər görür.    
Bu günlərdə təhsil sahəsində həmkarlar hərəkatının yaranmasınin 100 illiyi münasibəti ilə ATAİHİ Respublika Komitəsinin sədri Səttar Mehbalıyevin imzası ilə Respublikamızın bir sıra təhsil işçiləri, o cümlədən Kəlbəcər rayon təhsil işçiləri “Yubiley döş nişanı” ilə təltif olunmuşlar. Təltifləri ATAİHİ Kəlbəcər rayon komitəsinin sədri Məhyəddin Abdurəhimov və aparıcı mütəxəssis Bəylər Əliyev təltif olunan müəllimlərə təqdim etmişlər. Məhyəddin Abdurəhimov təqdimat mərasimində bildirmişdir ki, Kəlbəcər rayonu üzrə qırx beş məktəbin ilk həmkarlar təşkilatınin sədrləri və fəal həmkarlar ittifaqı üzvləri “Yubiley döş nişanı” ilə təltif edilmişdir.          

Oqtay SALAHLI  
Dalidag.az