İllərdən bəridir ki, toy-düyündə, digər əlamətdar günlərimizdə bir-birimizə belə arzumuz olurdu: 
belə gözəl günlərimizi tezliklə Kəlbəcərdə qeyd edək. Necə deyərlər, Allah səsimizi eşitdi, bütün arzularımız hasil oldu. 27 ildən artıq yağı düşmən əsarətində olan Kəlbəcərimiz azad edildi. Mən də hər il atamın doğum günündə yuxarıdakı arzunu dilə gətirirdim, ona növbəti doğum gününü Kəlbəcərdə keçirməyimizi diləyirdim. Bu gün atam İsmayılın növbəti doğum günüdü-ömrünün 81-ci linə qədəm qoyur. Builki təbrikim fərqlidi, ata, yeni yaşın mübarək, gözün aydın, Kəlbəcərimiz azad olundu. İnşallah, növbəti doğum gününü doğma ocağımızda-Əsirik kəndində keçirəcəyik. Artıq oğul kimi mənim də xəcalətimə son qoyuldu. Bu gün minlərlə Kəlbəcər övladı öz doğmalarını məhz məni kimi təbrik edir: qalib xalqln övladı olaraq. Ömrünün davamını Kəlbəcərdə yaşa, ata. Uzun ömür diləyirəm!

Natiq İsmayıloğlu
Dalidag.az