Kəlbəcər Rayon İcra Hakimiyyətinin başçısı Azər Qocayev Yeni növ koronavirus (COVID-19) infeksiyasının hökm sürdüyü bir vaxtda yeni tədris ilinin başlanılması ilə bağlı rayonda fəaliyyət göstərən 109 ümumtəhsil məktəb direktorları və 5 məktəbəqədər təhsil müəssisəsinin müdirləri   ilə video konfrans keçirtdi. Video konfransada  Azərbaycan Respublikasının Prezidenti cənab İlham Əliyevin Azərbaycan təhsilinə olan xüsusi diqqət və qayğısından söz açaraq, dövlət başçısı cənab İlham Əliyevin  təhsil sahəsində apardığı uğurlu islahatlar haqqında bəhs etdi.

Konfransda Kəlbəcər Rayon İcra Hakimiyyətinin başçısı Azər Qocayev  ölkəmizdəki mövcud sanitar-epidemioloji vəziyyəti nəzərə alaraq Azərbaycan Respublikası Nazirlər Kabinetinin 29 avqust 2020-ci il tarixli, 312 nömrəli Qərarından irəli gələn müddəların həyata keçirilməsi və bu qərarın 5.1, 5.2, 5.3-cü bəndlərinə əsasən rayonun ümumtəhsil məktəblərində, məktəbəqədər təhsil müəssisəsində tibbi-profilaktik, dezinfeksiya edici və digər qabaqlayıcı tədbirlərin mütamadi davam etdirilməsi, təhsil müəssisələrinə buraxılış rejimini sanitar-epidoloji tədbirlər nəzərə alınmaqla təşkilini təmin edilməsi, ümumtəhsil məktəblərində təhsil alanların sıxlığının yüksək olduğu siniflərin qruplara və ya yarımqruplara bölünməsi, yaş qrupları üzrə  dərs və dərsdənkənar məşgələlərdə növbəlik rejimin tətbiqi, sinif otaqlarında sosial məsafənin gözlənilməsi və digər tələblərin yerinə yetirilməsinin vacibliyini  bir  daha məktəb direktorlarının diqqətinə çatdırmışdır.

Video konfransada  korrupsiyaya qarşı ölkəmizdə aparılan  mübarizəyə hər bir vətəndaşın dəstək verməli olduğunu bildirərək Kəlbəcər Rayon İcra Hakimiyyətinin başçısı Azər Qocayev  qeyd etmişdir ki, rayonun bütün ümumtəhsil məktəblərində  və  məktəbəqədər təhsil müəssisələrində şəffalıq təmin edilməli, neqativ hallara yol verilməməlidir.

Yaxın zamanlarda yeni  tədris ilinin başlanacağını vurğulayan A.Qocayev  tədris ilinin başlanması münasibəti ilə təhsil işçilərini və şagirdləri təbrik edərək, onlara təhsildə uğurlar arzulamışdır.