Tofiq Cəlalov 
  
     Daha bir Kəlbəcər ziyalısı bu fani dünyaya vida edərək haqqın dərgahına qovuşdu…
Tofiq Ələs oğlu Cəlalov – ömrünü zəhmətə, xalqa xidmətə həsr etmiş, sadəliyi və insanlığı ilə yadda qalan bir ziyalı idi. Ali təhsilini başa vurduqdan sonra Sumqayıt, Xırdalan, Xızı və İsmayıllı rayonlarında ATS müdiri kimi məsul vəzifələrdə çalışaraq, harada işlədiyindən asılı olmayaraq insanların hörmətini qazanmışdı.
   Əslən Kəlbəcər rayonunun Hacıkənd (Sınıqkilsə) kəndindən olan Tofiq müəllim doğma yurd həsrətini qəlbində daşıyan, Vətən sevgisini heç zaman itirməyən insanlardan idi. Ömrünün son illərini Sumqayıt şəhərində yaşasa da, ürəyi daim Kəlbəcərlə döyünürdü…
Onun itkisi yalnız ailəsi üçün deyil, onu tanıyan hər kəs, bütün Kəlbəcər camaatı üçün ağır və unudulmaz bir itkidir. Belə insanlar dünyadan köçsə də, əməlləri, xatirələri və qoyduqları iz heç zaman silinmir…
Yas mərasimi (3–7) 12 aprel tarixində Xırdalan şəhərində “Real” mərasim evində keçiriləcək.
Allah rəhmət eləsin, məkanı cənnət olsun…

Vüqar Şirinoğlu

Dalidag.az