Kəlbəcərli şəhid polkovnik-leytenantın ailəsində ağır faciə baş verdi - FOTO

11-05-2025 20:39

Şəhid polkovnik-leytenant, Ağır Artilleriya Briqadasının qərargah rəisi Zaur Cəfərovun 13 yaşlı qızı Səlbi Cəfərli bu gün vəfat edib.
Dalidag.az-ın musavat.com-a istinadla məlumatına görə, Səlbi Cəfərlinin ölümünə səbəb kəskin böyrək çatışmazlığı olub.
Həkimlər 13 yaşlı şəhid övladının həyatını xilas edə bilməyib.

Qeyd edək ki, Zaur Hüseyn oğlu Cəfərov 1980-ci il martın 4-də Kəlbəcər rayonunun Başlıbel kəndində ziyalı bir ailədə dünyaya göz açıb
Polkovnik-leytenant 2020-ci il oktyabrın 9-dan 10-a keçən gecə Ağdərə istiqamətində gedən şiddətli döyüşlər zamanı Ermənistan Silahlı Qüvvələrinin hücum cəhdinin qarşısını alarkən sərəncamında olan minik avtomobili ilə minaya düşərək qəhrəmancasına şəhid olub.

Vətən müharibəsindəki hərbi vəzifəsini yerinə yetirərkən igidlik və mərdlik nümunəsi göstərdiyinə görə ölümündən sonra Azərbaycan Respublikası Prezidentinin Sərəncamı ilə 15.12.2020-ci il tarixində  "Vətən uğrunda"  medalı, 29.12.2020-ci il tarixində  "Suqovuşanın azad olunmasına görə"  medalı ilə, 30.12.2020-ci il tarixində  "Hərbi xidmətlərə görə"  medalı ilə təltif edilmişdir. 

Dalidag.az






Kateqoriya: Karusel / Kəlbəcər
Tarix: 11-05-2025 20:39
Baxış sayı: 2321
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını