Bu gün "Kəlbəcərə Qayıdış" İctimai Birliyinin (KQİB) yaradıcısı və təsisçisi dəyərli dostumuz Ramiz bəy Abışovun doğum günüdür.
KQİB-yi olaraq Ramiz bəyi doğum günü münasibətilə təbrik edir, uzun ömür, möhkəm cansağlığı arzulayırıq. Ramiz bəy KQİB-ni yaratmaqla təkcə kəlbəcərlilərin deyil, bütün xalqımızın, eyni zamanda torpaqları işgal altında olan insanlarımızın birliyinə yeni bir stumul, təkan vermiş oldu. KQİB-yi başda olmaqla, yeni təşkilatlar yaranmağa başladı və Qarabağımız yalnız müharibə yolu ilə işgaldan azad oluna bilər şüarıyla ölkə rəhbərliyinə, Türkiyə səfirliyinə, beynəlxalq təşkilatlara müraciətlər ünvanlandı, tələblər irəli sürüldü. Davamlı olaraq, aksiyalar keçirilməyə başladı. Sonda hər kəsin bildiyi kimi, Qarabağımız şəhidlərimizin həyatı, qazilərimizin saglamlıgı, xalqımızın unikal birliyi və nəhayət müzəffər Ordumuzun yenilməz qüdrəti sayəsində işgaldan azad edildi.

Dəyərli Ramiz bəy eyni zamanda azadlıq, demokratiya fədaisidir. Azərbaycanımızın azadlığı, suverenliyi və ərazi bütövlüyü uğrunda mübarizəyə çox gənc yaşlarından qoşulub və bu gün də əzmlə yoluna davam edir. Çox dəyərli Ramiz bəy, bir daha sizi Birliyimiz adından təbrik edir, sizə bu çətin və şərəfli yolda uğurlar diləyirik.

Dərin hörmətlə;
Yelmar Mustafa, 
KQİB-nin İdarə heyətinin sədri.

Dalidag.az saytı olaraq dəyərli Ramiz bəyi təbrik edir, haqq yolunda apardığı mübarizədə ona uğurlar diləyirik. Doğum gününüz mübarək!