Nəhayət, 30 ildən artıq vaxt keçəndən sonra yurd ağrı-acısı çəkən kəlbəcəlilərin fəal kəsimi bir araya gəldi.

"Kəlbəcərə Qayıdış" İctimai Birliyinin təşəbbüsü və təşkilatçılığı ilə keçirilən görüşdə kəlbəcərli ziyalılar,  şairlər, aşıqlar mətbuat nümayəndələri və Birliyin aktiv üzvləri iştirak ediblər. 

Dalidag.az xəbər verir ki, Ədil Oruclu iştirakşıları salamladı və tədbiri açıq elan etdi. Öncə  Azərbaycan Respublikasının Dövlət Himni səsləndirildi. Azərbaycanın suverenliyi, müstəqilliyi və ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edidi.
 "Kəlbəcərə Qayıdış" İctimai Birliyinin sədri Yelmar Mustafa  tədbirin gündəliyi barədə  məlumat verdi və Birliyin yaranma zərurətindən danəşdı, fəaliyyəti haqqında qısa  çıxış etdi. 

Əsasən yurda qayıdışla bağlı müzakirə və fikir mübadilələrinin nəzərdə tutulduğu görüşdə Kəlbəcərin tarixi, təbiəti, xüsusi özəllikləri haqqında söz açıldı. Eyni zamanda Kəlbəcər ictimaiyyətinin üzdə olan simaları, elm və yaradıcı zümrə  gördükləri işlər barədə danışıblar.

Tədbirdə həmçinin, doğma torpaqlara qayıdışla bağlı görülən işlər, problemlər, əldə olunan nailiyyətlər, nöqsanlar  diqqətə çatdırılıb.

Tədbir iştirakçıları azad torpaqlara qayıdışın vacibliyini vurğulayaraq, bildiriblər ki, Kəlbəcərdə və işğaldan azad olunan digər yaşayış bölgələrində məskunlaşacaq insanların sosial təminatının yaxşılaşdırılması öncül məsələlərdəndir. Sakinlərin sahibkarlıqla məşğul olmasına şərait yaradılmalsı və bunun üçün ciddi işlərin görülməli olduğu fikri də müzakirə mövzusunda yer tutub. Tədbirdə qayıdışla bağlı bir sıra önəmli təkliflər olub.

Görüşdə kəndlərin birləşdirilməsi məsələsi də müzakirə olunub. Bunun doğru addım olmadığı vurğulanıb. Bildirilib ki, bu, tarximizin üstündən xətt çəkilməsinə, tarixi dini abidələrimizin itib - batmasına, məhv edilməsinə səbəb olacaq. Tədbir iştirakçıları bu və digər problem və nöqsanların aradan qaldıralacağına inandıqlarını dilə gətiriblər. Belə yığıncaqların tez-tez keçirilməsi zərurətindən danışıblar.

Görüşdə Kəlbəcərə qayıdışla bağlı və Kəlbəcər ictimaətinin maraqlarının qorunmasının təmin edilməsi məqsədi ilə işçi qrupunun yaradılmasını təklifi irəli sürülüb və qəbul edilib.

"Kəlbəcərə Qayıdış" İctimai Birliyinin təsisçisi Ramiz Abışov təşəbbüslərinə qoşulan tədbir iştirakşılarına öz minnətdarlığını bildirib, qayıdışla bağlı fikirlərini söyləyib.

Sevinc

Dalidag.az