Tanınmış el şairi, Azərbaycan Yazıçılar Birliyinin üzvü Ələkbər Sönməzin yeni çapdan çıxmış "Bir ömrü mən də belə yaşadım" adlı şeirlər kitabının təqdimatı olub. 

Dalidag.az xəbər verir ki, tədbir "Aşıq Şəmşir" Mədəniyyət Ocağı İctimai Birliyinin təşəbbüsü, Azərbaycan Yazıçılar Birliyinin təşkilatçılığı ilə qurumun "Natəvan" klubunda keçirilib. Təqdimat mərasimində şairin qələm dostları, jurnalistlər, ziyalılar ictimaiyyət nümayəndələri, oxucular və ailə üzvləri iştirak edib.
Tədbiri giriş sözü ilə Mətbuat Şurasının sədri, AYB-nin sədr müavini Rəşad Məcid açaraq, qonaqları salamlayıb. Müəllifin yaradıcılığı və təqdim olunan kitab haqqında fikrini bildirib, tədbiri aparmaq üçün sözü filologiya üzrə fəlsəfə doktoru İlham Məmmədliyə verib.


İ.Məmmədli şairin acılı-şirinli həyat yolundan, Başlıbeldəki 4 aylıq mühasirə gündəliyindən və yaradıcılığından geniş bəhs edib. 
Nazirlər Kabineti Aparatının şöbə müdiri Qurban Sadıqov, Əməkdar jurnalist Əlövsət Ağalarov, YAP Kəlbəcər rayon təşkilatının sədri Həbib Misirov,  fəlsəfə doktoru Məhəmməd Cəbrayılov, "Başlıbelə dəstək" İctimai Birliyinin sədri Vüqar Həşimov, sədr müavini Nurəddin Həşimov, ictimai fəal Rövşən Hüseynli və digərləri çıxış edərək, şairin yaradıcılığına nəzər salıb, ədəbi yaradıcılığını təhlil ediblər.
Şairlərdən Əjdər Əslisaf, Nuridə Misir, jurnalistərdən-İctimai tv-nin ıməkdaşı Vüsalə Məmmədova, "Yeni Müsavat" qəzetinin əməkdaşı" Etibar Seyidağa, Regional İnsan Hüquqları və Media Mərkəzinin rəhbərl Xalid Vahidoğlu Ə.Sönməzi yeni kitabının işıq üzü görməsi münasibətilə təbrik edib, yaradıcılığının bəzi məqamlarına toxunublar.

"Dəlidağ" Ədəbi Birliyinin sədri şair, jurnalist Namiq Dəlidağlı da öz növbəsində müəllifi təbrik edib, yaradıcılıq uğurları diləyib və ona  birliyin "Uğur" diplomunu təqdim edib.

Kəlbəcərin işğalı zamanı 4 ay ailəsi və digər Başlıbel sakinləri ilə bərabər mühasirədə qalan şairin həmdərdliləri, faciəni gözləri ilə görən İsmət və Qismət Əzizovlar o günləri xatırlayıb və Ə.Sönməz yaradıcılığında yurd göynəyinin, ağrı-acının təbii çalarlarından danışıblar.
İstedadlı aşıq Hikmət Həsənovun ifasında şairin şeirləri səsləndirib.

S.Qərib
Dalidag.az