Şair Ələkbər Sönməz yeni kitabını təqdim edəcək

12-04-2023 10:56
Azərbaycan Yazıçılar Birliyinin üzvü, tanınmış el şairi Ələkbər Sönməz yeni şeirlər kitabını oxucularına təqdim edəcək.
Dalidag.az xəbər verir ki, bu günlərdə Ələkbər Sönməzin növbəti şeirlər kitabı çapdan çıxıb. "Bir ömrü mən də belə yaşadım" adlı şeirlər toplusu  şairin oxuculara təqdim etdiyi sayca 6-cı kitabdır. Bundan əvvəl şairin "Tarixin qan yaddaşı", "Heydər baba, yurda qaytarın eli",  "Vətənə borcum qalır", "Qayalarda qalan səs", "Kəlbəcərə gedən yol" kitabları işıq üzü görüb.

Vurğulayaq ki, Ələkbər Ələsgər oğlu Ələsgərov (Sönməz) 1948-ci ildə Kəlbəcər rayonunun Başlıbel kəndində seyid aləsində anadan olub. Şeir yazmağa orta məktəbdə oxuduğu illərdən başlayıb. Şeirləri müntəzəm olaraq dövri mətbuatda çap olunub. 1993-cü ildə Kəlbəcər rayonu erməni işğalçıları tərəfindən zəbt olunan zaman ailəlikcə mühasirəyə düşüb, dörd ay orada qalıb. Həmin vaxtlar ermənilərin törətdikləri vəhşilikləri öz gözləri ilə görüb. 30 nəfər insanın həyatını xilas edib. Şair mühasirədə qaldığı zaman işğalçıların törətdiyi vəhşilikləri "Tarixin qan yaddaşı" kitabında əks etdirib. Şəhid ailəsidir.


P.S.Qeyd edək ki, aprelin 14-ü saat 14.00-da Azərbaycan Yazıçılar Birliyinin "Natəvan" klubunda şairin yeni kitabının imza günü və oxucularla görüşü keçiriləcək!

Dalidag.az



Kateqoriya: Karusel / Poeziya-nəsr
Tarix: 12-04-2023 10:56
Baxış sayı: 3849
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını