İlham Məmmədli

Bu gün fəlsəfə doktoru, “Bütöv Azərbaycan” qəzetinin baş redaktoru İlham Məmmədlinin 60 yaşı tamam olur. 
İlham Məmmədlinin “60 illik yubiley tədbirinə məndə hazırlaşmışdım. Qardaş Türkiyədə baş verən olaylardan dolayı İlham Məmmədli yubiley tədbirini təxirə saldı. Lakin, onun şəxsiyyətinə olan etiramı, inamı, hörmət hissini ifadə etməyi təxirə sala bilmədi.

Həyatımda hörmətə layiq çoxsaylı dostlarım, tanışlarım, qohumlarım var. Lakin, İlham Məmmədli şəxsiyyəti - münasibətdə olduğum insanlar içərisində xüsusi önəm daşıyır. İnsan şəxsiyyətinin düşüncə, hiss, davranış üzərində qurulan xarakteri hər kəsi münasibətlər sisteminə qoşur. Məhz bu xarakter insanı digərindən fərqləndirən, insanların ətraf mühitə və fərdə, sosial qrupa münasibətində müşahidə oluna bilən genetik və qazanılmış davranış xüsusiyyətlərindən təşkil olunur. Bütün bu genetik, qazanılmış və təşkil olunmuş xaraker elementləri arasında bağlar möhkəm, təbii əlaqədə olarsa və ictimai – sosial həyatın dəyişməz qanunları, dəyərləri ilə ziddiyət təşkil etməzsə o zaman “şəxsiyyət bütövlüyü” meydana çıxır. Şəxsiyyət və xarakterlə bağlı qeyd etdiyim izahat əslində yaxından tanıdığım İlham Məmmədlinin düşüncəsinin, davranışının, hissinin ictimai həyatda ümumiləşmiş tablosudur.

“Bütöv olmaq”, “Milli olmaq”, “Vətən olmaq”, “Dövlət olmaq” əxlaqını qanından, damarından, iliyindən keçirən, ünsiyyətdə olduğu insanları layiq olduğu bu ali keyfiyyətlər cazibəsində saxlayan İlham Məmmədlinin 60 yaşı “Bütov Azərbaycan” yolunun irəliyə axan “zaman dilimidir”.

Çoxunun yubileyi yox, sıradan ad günü olanda fb səhifəsinə şəklini qoyur, özü- öz ad günün piyarın aparır. Sanki, xalq üçün, bəşəriyyət üçün bunun dünyaya gəlişi o qədər əhəmiyyətlidir ki, həmin günü onu təbrik etməyənləri qara siyahıya salır.

Lakin, bu təvazakör, sadə insanın 60 illik yubileyində fb səhifəsində yazdığı postu sizinlə paylaşıram:

"TANRIM, ÖZÜN KÖMƏK OL QARDAŞ – BACILARIMIZA"

P.S. Elə əziz dostum, Tanrı sənə də kömək olsun ki, "Bütöv Azərbaycan" qazansın!











Məhəmməd Cəbrayılov




Dalidag.az olaraq, biz də dəyərli ziyalı, təəssübkeş vətəndaş, yurduna, el-obasına möhkəm mənəvi bağlılılığı hər əməlində özünü  biruzə verən filоlоgiyа üzrə fəlsəfə dоktоru  İlham Məmmədlini 60 illik yubileyi münasibətilə ürəkdən təbrik edirik. İlham Məmmədli bütün titulların fonunda insani ucalığa varmış şəxsiyyətdir. Gözəl insan, sözün qədrini bilən, peşəsinə, mövqeyinə, əqidəsinə sadiq əziz İlham müəllimə sağlam can, sevinci, uğuru bol  ömür diləyirik. Varlığı qənimətimiz olan adam, yaxşı ki, varsınız!
 
S.Qərib