Suraxanıda şəhidin xatirəsinə inşa edilən abidə-bulaq kompleksinin açılışı olub

30-09-2022 21:20

44 günlük Vətən müharibəsində Şəhidlik zirvəsinə yüksəlmiş Fuad Füzuli oğlu Məhərrəmlinin xatirəsinə Suraxanı rayonu Yeni Ramana qəsəbəsində inşa edilən abidə-bulaq kompleksinin açılış mərasimi olub.        

Dalidag.az xəbər verir ki, açılış mərasimində Kəlbəcər RİH başçısının birinci müavini Eldəniz Mehtiyev, RİH-in məsul əməkdaşları, RİH başçısının inzibati ərazi dairəsi üzrə nümayəndələri, Suraxanı RİH-in məsul əməkdaşları, tədbirin təşkil olunmasında əməyi keçən, məzunu olduğu Fərrux İsrafil oğlu Mehtiyev adına Qubadlı rayon Qaralar kənd tam orta məktəbin müəllim və şagird kollektivi, bulağın tikilib ərsəyə gəlməsinə dəstək göstərən APPRO  MMC Hospital rəhbərliyi, Kəlbəcər rayon 108 saylı tam orta məktəbin müəllim və şagird kollektivi,  şəhidin ailə üzvləri,yaxınları, ictimaiyyət nümayəndələri iştirak ediblər.   Açılış mərasimindən öncə Azərbaycan Respublikasının Dövlət Himni səsləndirilib, respublikamızın müstəqilliyi və ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad edilib.  
Mərasim iştirakçıları abidə-bulaq kompleksini ziyarət edib, üzərinə qərənfillər düzərək şəhidimizin ruhuna dualar oxuyublar. Kəlbəcər RİH başçısının birinci müavini Eldəniz Mehtiyev Müzəffər Ali Baş Komandan İlham Əliyevin sərkərdəliyi ilə Vətən müharibəsində  Azərbaycan Ordusunun qazandığı Böyük Zəfərdən danışıb. Prezident, Ali Baş Komandan İlham Əliyevin rəhbərliyi ilə ötən ilin sentyabrın 27-də başlayan və zəfərlə başa çatan Vətən müharibəsində qazanılan qələbənin tarixi əhəmiyyətindən bəhs edərək vurğulayıb ki, şərəfli döyüş yolu keçən qəhrəman oğullarımızın əziz xatirəsi heç bir zaman unudulmayacaq. Eyni zamanda qeyd edib ki, Prezident İlham Əliyev və Birinci vitse-prezident Mehriban xanım Əliyeva şəhid ailələrinin, qazilərin, müharibə iştirakçılarının qayğılarını daim diqqət mərkəzində saxlayır.  
Şəhidimizin ailə üzvləri göstərilən yüksək diqqət və qayğıya görə Prezident İlham Əliyevə, Birinci vitse-prezident Mehriban xanım Əliyevaya, rayon rəhbərliyinə, bulağın ərsəyə gəlməsində əziyyəti keçən insanlara, açılış mərasimində iştirak edənlərə təşəkkürlərini bildiriblər.

Qeyd edək ki, Vətən müharibəsi şəhidi Fuad Füzuli oğlu Məhərrəmli 10 may 2001-ci ildə Tərtər şəhərində anadan olub. 2007-ci ildə Bakı şəhər Suraxanı rayon Yeni Ramana qəsəbəsində yerləşən Fərrux İsrafil oğlu Mehtiyev adına Qubadlı rayon Qaralar kənd tam orta məktəbinin 1-ci sinifinə daxil olub. Orta məktəbi bitirdikdən sonra 2019-cu ilin iyul ayında Səfərbərlik və Hərbi Xidmətə Çağırış üzrə Dövlət Xidmətinin Kəlbəcər rayon bölməsi tərəfindən həqiqi hərbi xidmətə çağırılıb.   28 sentyabr 2020-ci ildə Cəbrayıl rayonunun Nüzgar kəndi istiqamətində döyüş tapşırığının yerinə yetirilməsi zamanı qəhrəmancasına şəhid olmuşdur. Subay idi. 29 sentyabr 2020-ci ildə Göygöl rayon Şəhidlər Xiyabanında dəfn edilib.    Azərbaycan Respublikasının Prezidenti cənab İlham Əliyevin müvafiq sərəncamı ilə F.Məhərrəmli ölümündən sonra “Vətən uğrunda” və “Füzulinin azad olunmasına görə” medalları ilə təltif edilmişdir. Allahdan bütün şəhidlərimizə rəhmət diləyirik!

Natiq İmayıloğlu

Dalidag.az































Kateqoriya: Karusel / Qarabağ
Tarix: 30-09-2022 21:20
Baxış sayı: 2152
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını