Nəvəsi 29 ildən sonra Bimar Əlinin məzarını ziyarət etdi - Şəkil

03-06-2022 14:27
          Kəlbəcər rayon Sınıqkilsə kəndi

Yüz illər keçsə də düşmənin bizə vurduğu mənəvi yaraları sağaltmaq, məhv etdikləri ədəbiyyat, mədəniyyət və incəsənət nümunələrinin yerini doldurmaq mümkün deyil. Vandal xislətli yağı yurdumuzu yağmalayanda yüzlərlə yaradıcı adamlarımızın əlyazmalarını da məhv edib, yandırıb.
Ən ağrılı və təsəllisiz məqam isə ata-babalarımızın, doğmalarımızın uyuduğu məzarların düşmən tapdağında, ziyarətsiz qalması idi. 28 ilə yaxın məzarları girov "ömrü yaşayan" doğmalarımızın narahat ruhları dolaşdı Kəlbəcər dağlarında. Bu gün azadlığına qovuşmuş torpaqlarda ruhlar da rahatdı...
İşğalda inləyən yurd yerləmizdə dolaşan narahat ruhlardan, ziyarətsiz qalan məzarlardan biri də Bimar Əlinin ruhu, məzarı idi.
Bu günlərdə nəvəsi Vüqar İsayev Kəlbəcər rayon Sınıqkilsə kənd qəbiristanlığında uyuyan Bimar Əlinin məzarını ziyarət edib. "Şair babam Əli Bimarın məzarını ziyarət etmək nəsibim oldu", deyə o qeyd edib.

29 ildən sonra məzarı ziyarət olunan Ə. Bimarın bir şeirini təqdim edirik. Ruhu şad olsun!

Bir də ələ

“Ah” deyərsiz, “vay” deyərsiz bir zaman, 
Keçən günlər daha düşməz bir də ələ.. 
Səd, heyif əlindən, aman, cavanlıq, 
Buraxmaram yaxan keçsə bir də ələ. 

Aqil kəslər bu dünyadan kam alı, 
Ağılsızlar Haxdan payın kəm alı... 
Kamil usta cəm eyləsə kamalı, 
Lazım gəlməz,”yüz yol ölçə-bir dələ”.. 

Yazıq Bimar, insanlıqda birüzdü.. 
Qəvvas kimi “qəm bəhrində” bir üzdü.. 
Mən görmədim bu dünyada bir üzdü, 
Ara-axtar, insanları bir də ələ..

Dalidag.az


Kateqoriya: Karusel / Kəlbəcər
Tarix: 03-06-2022 14:27
Baxış sayı: 2221
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını