Görüş Nazirlər Kabineti yanında Operativ Qərargahın koronavirus pandemiyası ilə bağlı qərarına əsasən, xüsusi karantin rejiminin qaydalarına uyğun təşkil edilib.Qəbulda Ukrayna Respublikasında yaranmış mövcud vəziyyətlə əlaqədar olaraq Moldova Respublikasına gedərkən yolda naməlum silahlı şəxslərin hücumuna məruz qalaraq həyatlarını itirmiş Kəlbəcər rayon sakinlərinin ailə üzvləri və doğmaları, eyni zamanda Ukraynadan təxliyə olunmuş  Kəlbəcər rayon sakinləri iştirak edib. Kəlbəcər rayon İcra Hakimiyyətinin başçısı Azər Qocayev   təxliyə olunmuş sakinləri qəbul edərək onları dinləmiş və mərhumların yaxınlarına başsağlığı verərək, yaralılara şəfa diləmişdir.Rayon rəhbəri  onları narahat edən məsələlərə geniş izah verərək, səsləndirdikləri tələblərin həlli istiqamətində aidiyyatı qurumlar qarşısında məsələ qaldıracağını bildirib. Eyni zamanda rayon rəhbəri qeyd edib ki, hal-hazıradək Ukraynada yaranmış mövcud vəziyyətlə əlaqədar olaraq 76 nəfər Kəlbəcər rayon sakini ölkəmizə təxliyə olunub və bu istiqamətdə işlər davam etdirilir.

Qeyd edək ki, Ukraynanın Odessa vilayətindən Moldova istiqamətinə avtomobillərlə keçmək istəyən 40 nəfərdən artıq azərbaycanlı Kuçurqan sərhəd keçid məntəqəsində naməlum şəxslərin silahlı hücumuna məruz qalıb. Nəticədə Kəlbəcər rayon Təkəqaya kənd sakinləri 56 yaşlı Rəhim İsmayılov, oğlu 27 yaşlı Azər Əlizadə, qardaşı  47 yaşlı Nemət İsmayılov hadisə yerində ölüb. İsmayılovların bacısı oğlu Kəlbəcər rayon Yellicə kənd sakini 25 yaşlı Camal Salmanov isə xəstəxanada dünyasını dəyişib.

Qəbula gələn  digər Kəlbəcər rayon sakinlərinin müraciətləridə  dinlənilib. Rayon İcra Hakimiyyətinin başçısı Azər Qocayev onların problemlərini, təkliflərini aidiyyatı üzrə qeydiyyata alınmasını və İcra Hakimiyyətinin səlahiyyətləri çərçivəsində həll edilməsi mümkün olan problemlərin həlli olunması üçün müvafiq göstərişlərini verib.