Kəlbəcərdə şəhid olan məmurun yerinə TƏYİNAT - ŞƏKİL

13-08-2021 15:56
Kəlbəcərdə şəhid olan məmurun yerinə TƏYİNAT - ŞƏKİL

Kəlbəcər Rayon İcra Hakimiyyətinin (RİH) Susuzluq kənd inzibati ərazi dairəsi üzrə nümayəndəsinin sabiq müavini, şəhid Arif Əliyevin yerinə təyinat olub.

Dalidag.az-ın unikal.org-a istinadən məlumatına görə, bununla bağlı Rayon İcra Hakimiyyətinin başçısı Azər Qocayev əmr imzalayıb.

Əmrə əsasən, Zahir İsmayılov Susuzluq kənd inzibati ərazi dairəsi üzrə nümayəndənin müavini təyin olunub. O, bu təyinatadək Susuzluq kənd inzibati ərazi dairəsi üzrə nümayəndəliyində mühasib vəzifəsində çalışıb.

Qeyd edək ki, 4 iyun 2021-ci il tarixində saat 11:00 radələrində xidməti vəzifələrinin icrası ilə əlaqədar işğaldan azad edilmiş Kəlbəcər rayonuna ezam olunan televiziya kanallarının və xəbər agentliklərinin əməkdaşlarının olduğu “KamAZ” markalı sərnişin avtomobilinin rayonun Susuzluq kəndi istiqamətində hərəkətdə olarkən tank əleyhinə minaya düşməsi nəticəsində 3 nəfər – Sirac Abışov (Az TV telekanalının operatoru), Məhərrəm İbrahimov (AZƏRTAC xəbər agentliyinin əməkdaşı), Arif Əliyev (RİH başçısının Susuzluq kənd inzibati ərazi dairəsi üzrə nümayəndəsinin müavini) həlak olub, digər dörd nəfər isə müxtəlif dərəcəli bədən xəsarətləri almaqla xəstəxanaya yerləşdirilib.

Dalidag.az

Kəlbəcərdə şəhid olan məmurun yerinə TƏYİNAT - ŞƏKİL







Kateqoriya: Karusel / Kəlbəcər
Tarix: 13-08-2021 15:56
Baxış sayı: 461
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını