Azərbaycan Yazıçılar Birliyi və Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) birgə təşkilatçılığı ilə mərhum şair Oqtay Rzanın anım günü keçirilib. Bu gün həm də şairin 85 illik yubileyidir.

Dalidag.az xəbər verir ki, tədbirdə iştirak edən Mətbuat Şurasının sədri, millət vəkili Əflatun Amaşov, ATXƏM-in sədri İlham İsmayılov, AYB-nin mətbuat xidmətinin rəhbəri Xəyal Rza, İstanbul Türkiyə Azərbaycan Kültür və Dayanışma Dərnəyinin rəhbəri Səfər Karakoyunlu, tənqidçi Vaqif Yusifli, AYB Muğan bölməsinin sədri Nəbi İbrahimli, jurnalist Kamil Məhərrəmli, şairin bacısı Səfurə Rzayeva çıxış edərək, Oqtay Rza ilə bağlı xatirələrini bölüşüblər. Çıxışlarda şairin şeirləri, onlardakı məna yükü, rübai ustadı kimi ədəbiyyatımıza olan xidmətləri bir daha minnətdarlıq hissi ilə yad olunub, dərin ehtiramla xatirəsi anılıb.
Dalidag.az