Azərbaycan diasporunun layiqli təmsilçilərindən olan Sərdar Abdullayev 1951-ci ildə Kəlbəcər rayonunun Yanşaq kəndində anadan olub. Azərbaycan Politexnik İnstitutunu bitirdikdən sonra təyinatla Kalinin vilayətinə göndərilmişdir. Uzun illər “Kalininqrajdanstroy” Vilayət İstehsalat Birliyinin rəisi vəzifəsinə qədər məsul vəzifələr tutmuş, 1993-cü ildən ömrünün sonuna kimi  “Tverqrajdanstroy” Tikinti Şirkəti Qapalı Səhmdar Cəmiyyətinə rəhbərlik etmişdir. 

Yaşadığı bölgənin ictimai həyatında fəal iştirak etmiş S.Abdullayevin həmçinin, Azərbaycanın haqq səsinin dünyaya çatdırılmasında da özünəməxsus xidmətləri olmuşdur. Çoxşahəli fəaliyyətinə görə S.Abdullayevə “Rusiya Federasiyasının Əməkdar İnşaatçısı”, “Rusiyanın Fəxri İnşaatçısı” fəxri adları, “Dostluq” ordeni, 2006-cı ildə Azərbaycan Prezidentinin Fərmanı ilə “Tərəqqi” medalı ilə təltif olunmuşdur. 

Təəssüf ki, doğma Kəlbəcəri yenidən ayaq basmaq Sərdar Abdullayevə nəsib olmadı...  

Azərbaycanın, Kəlbəcərin fəxri Sərdar Abdullayevin əziz xatirəsi daim yaşayacaq.