"Dedin, Kəlbəcərə yollar çəkəcəm, toparla başına qoşunu, qardaş"

15-10-2020 20:13

OXŞA, KƏLBƏCƏRİN QIŞINI, QARDAŞ
          

Cavid Qurbanova

Dedin, Kəlbəcərə yollar çəkəcəm,
Toparla başına qoşunu, qardaş.
Polad qollar kimi alaq dövrəyə,
O yurdun dağını-daşını, qardaş.

Ötək yamacları, yaraq dağları,
Üzü Ağdabana-elinə sarı,
Dilində şeirinin pıçıltıları,
Oxşa, Kəlbəcərin qışını, qardaş.

Bəhmən həsrət getdi, Sücaət nakam,
Vətən yanğısından kam almadı, kam,
Yollunu kəndinə salıb, bir axşam,
Əy, Dədə önündə başını, qardaş.

Zəfərlər qazanır öndə ər Ordun,
Qələbə timsalı müzəffər Ordun,
Sabah İstisuya yetişər Ordun,
Sındırıb düşmənin dişini, qardaş.

Sinəndə dağ boyda Vətən ahı var,
Bu gidi dünyanın min günahı var,
Hər zülmət gecənin xoş sabahı var,
Sil, daha gözünün yaşını, qardaş.













Elbariz Məmmədli
 14 oktyabr 2020-ci il




Kateqoriya: Karusel / Kəlbəcər
Tarix: 15-10-2020 20:13
Baxış sayı: 2416
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını