"Qarabağa Qayıdış" İB Ədliyyə Nazirliyini məhkəməyə verdi- SƏBƏB

16-06-2020 22:11
"Qarabağa Qayıdış” İctimai Birliyinin dövlət qeydiyyatına alınması Ədliyyə Nazirliyi tərəfindən rədd edilib. Bununla bağlı İctimai Birliyin təsisçiləri məhkəməyə müraciət edib.
Dalidag.az xəbər verir ki, bu barədə "Qarabağa Qayıdış" İB-nin İdarə Heyətinin sədri Vaqif İsmayıl məlumat verib.
Birlik rəhbəri Qarabağ sevərlərə, "Qarabağa Qayıdış" səhifəsinin izləyicilərinə və mətbuat nümayəndələrinə müraciət edərək, bildirib:
"Məlumunuz olduğu kimi sədri olduğum “Qarabağa Qayıdış” İctimai Birliyinin dövlət qeydiyyatına alınması Ədliyyə Nazirliyi tərəfindən əsassız olaraq rədd edilmişdir. Səbəb kimi isə İctimai Birliyin məqsədlərində ictimai birliyin daimi və ya müvəqqəti fəaliyyət göstərməsinin əks olunmamasıdır.
Bu cür absurd cavabın verilməsi Qarabağla bağlı dövlətimizin siyasətinə ziddi. Çünki dövlət başçısı hər bir çıxışında bəyan edir ki, biz tezliklə işğal olunmuş tarixi torpaqlarımıza qayıdacağıq. Bununla bağlı "Qarabağa Qayıdış" İB-nin təsisçiləri olaraq Ədliyyə Nazirliyinin hərəkətsizliyindən məhkəməyə iddia vermişik. Məhkəmənin növbəti iclası 17.06.2020-ci il tarixə saat 15:00-a Bakı İnzibati Məhkəməsinə təyin edilmişdir. (Hakim Pərviz Hüseynov) Sizlərdən xahiş edirik ki, Qarabağ münaqişəsinin ölkəmizin əsas problemi olduğunu nəzərə alaraq bu məsələni diqqətdə saxlayasınız və ictimailəşdirilməsinə köməklik göstərəsiniz".

Dalidag.az

 


Kateqoriya: Karusel / Qarabağ
Tarix: 16-06-2020 22:11
Baxış sayı: 4114
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını