Musa Əzizov!
Musa - Firəngül, Münəvvər - Hüseyn Yunis, Nabat oğlu.
2 qardaş- Məhəmməd - Ağca, 2 bacı- Zərniyar - Kamil, Səriyyə - Pənah
2 övlad- Babək, Gündüz - Şəfəq. 3 nəvəsi var.
1993 - cü ildən Kəlbəcər RTŞ-də metodist müəllim kimi fəaliyyət göstərir. Ali kateqoriyalı müəllimdir.
1998 - 2003-cü illərdə Azərbaycan Müəllimlərinin Xl, Xll qurultayında nümayəndə olmuşdur .
2000 - ci ildə Avropa Şurası və Təhsil Nazirliyinin birgə keçirdiyi Milli Seminarda Kəlbəcər nümayəndəsi olub.
2000- 2003- cü illərdə keçirilən Respublika Pedaqoji Mühazirədə Respublika qalibi kimi ll,lll dərəcəli Diplomla təltif olunub.
2008 - 2019 - cü illərdə Kəlbəcər rayon İH Başçısının Fəxri Fərmanıyla təltif olunub.
İctimai işlərdə fəal iştirakına görə dəfələrlə pul mükafatı verilib .
2013 - cü ildən Kəlbəcər Ağsaqqallar Şurasının üzvüdür.
Təhsillə məşğul olan alimlər dəfələrlə Musa Əzizin təhsil haqqında  fikir və təcrübəsi ilə razılaşmış, sitat gətirmişlər.
Gəncəbasar bölgəsində "Təhsil və zaman" ( indi "Təhsil Dünyası" ) qəzetində bölgə muxburidir.
Musa Əziz Azərbaycan Yazıçılar Birliyinin, Mətbuat Şurasının, Təhsil Şurasının üzvüdür
Bədii, elmi yaradıcılıqla da məşğuldur. "Başlıbel Şəhidləri", "Can evim Başlıbelim","Örnək Ömür", "Qələbə lap yaxındadır" bədii publistik
kitabların, təhsil haqqında çoxlu metodiki vəsaitin müəllifidir.
Musa Əziz - Musa müəllim şərəfli ömür yaşayıb. Amma...
Məcburi köçkün ömrü onun həyatının ən acı, ən ağır illəri oldu. Başlıbel kəndindəki isti yuvasını , villasını itirib Gəncə şəhərində pedaqoji institutun yataqxanasının 1 otağında yaşamağa məhkum edildi. Doğma kəndinə qayıdacağı günü səbirsizliklə gözləyir .
Buna baxmayaraq, dağılmış Kəlbəcərin təhsilinə öz pedaqoji təcrübəsi ilə, sanki çiynini ağır yükün altına verdi. Başlıbel məktəbinin təhsil ənənəsini, rayon səviyyəsində tətbiq etmək vəzifəsinin öhdəsindən lazımınca gəldi.
"Başlıbel Akademiyası"nın akademiki Musa müəllim öz müəllim sələflərinin ruhunu şad edir. Onları həmişə yad edir. Bəli onun üçün də doğma kollektivsiz, lakin doğma kollektivinin ideyalarını yaşatmaq asan olmasa da, şərəflidir. Musa Əziz bu şərəfli işin öhdəsindən ləyaqətlə gəldi.
İndi, qürurla "geri baxıb "davamçılarının gördükcə yaşamaq istəyi artır. Ümid edir ki, doğma Başlıbel kəndinin bərpasında iştirak etmək ona da - Musa müəllimə də nəsib olacaq!