Xalqımız qardaş Türkiyədə baş vermiş güclü zəlzələdən zərərçəkənlərə kömək üçün səfərbər olub.
Bu dar gündə qardaş köməyinə çatmaq üçün vətəndaşlarımız yardım toplama məntəqələrinə axın edir. Hər kəs əlindən gələn köməyi, yardımı etməyə çalışır.
Kəlbəcər əhalisi də Türkiyəyə yardım kampaniyasında yaxından iştirak edir. 
Kəlbəcər rayon 23 nömrəli tam orta məktəbin direktoru Xəqani İbrahimli də bu nəcib və xeyirxah işdə kənarda qalmayıb, özünün bir aylıq əməkhaqqını  zəlzələdə zərər çəkənlərə kömək məqsədi ilə ianə edib. Bu barədə sosial şəbəkədə Xəqani İbrahimli özü məlumat verib: “Bir aylıq əmək haqqımı qardaş Türkiyədə tələfata səbəb olan zəlzələnin fəsadlarının aradan qaldırılmasına yardım edirəm”, deyərək o bildirib.
Bu addım həm də digər vətəndaşlarımız üçün bir örnəkdi, xeyirxah addımların atılmasına bir çağırışdı. 
Qeyd edək ki, Türkiyədə güclü zəlzələ nəticəsində ölənlərin sayı 12 873 nəfərə çatıb.

Dalidag.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Təbii fəlakət nəticəsində 62 937 nəfər yaralanıb.

Xəqani İbrahimli