Taleyinə məcburi köçkünlük yazılan, həyatın ən amansız, sərt üzü ilə qarşılaşan həmyerlilərimizin illərdən bəri yığılıb qalan problemləri bitmir ki, bitmir...
Ona görə ki, indiyədək bu problemlərlə məşğul olacaq məmurlar vaxtlarını vəzifələrindən irəli gələn işlərə deyil, öz şəxsi işlərinə sərf ediblər. Başı şəxsi mənafelərini güdməyə qarışan səlahiyyət sahibləri özlərinə yad bildikləri həmyerlilərinin problemrlərinə biganəlik göstəriblər. Ümumiyyətlə, yerlərdə acınacalı şəraitdə Allah ümidinə "yaşayan" vətəndaşların problemləri ilə maraqlanan, səsinə səs verən olmayıb.
Məcburi köçkün adı altında əzilən daha bir həmyerlimizin acı fəryadı dediklərimizin bariz nümunəsidir.
Dalidag.az xəbər verir ki, didərginlik taleyi yaşayan Qasımov Ələmdar Balaca öğlu 1993- cü ildən Göygöl rayon Almədədli kəndində məskunlaşıb. 27 ildir heç bir şəraiti olmayan, uçuq- sökük daxmada əziyyət çəkir. Aşağıda təqdim etdiyimiz videoyazıdan da göründüyü kimi daxma yaşayış üçün əlverişsiz və təhlükəlidir. Ölüm və xəstəlik saçan bu ünvanda gələcəyimiz olan körpələr böyüyür...
İnanırıq ki, yeni icra başçısı əvvəlki sələflərindən fərqli olaraq, acınacaqlı durumda olan bu ailənin vəziyyətinə biganə qlmayacaq, tez bir zamanda problem həllini tapacaq.

Dalidag.az

Kəlbəcərli məcburi köçkünün harayı