5 oktyabr – Beynəlxalq Müəllimlər Günü münasibətilə təhsilin inkişafında xidmətləri olan təhsil işçiləri təltif ediliblər.
Dalidag.az xəbər verir ki, elm və təhsil naziri Emin Əmrullayev bununla bağlı əmr imzalayıb.
Əmrə əsasən, təhsilin inkişafındakı xidmətlərinə, gənc nəslin təlim-tərbiyəsi sahəsində yüksək nailiyyətlər əldə etdiklərinə görə və 5 oktyabr – Beynəlxalq Müəllimlər Günü münasibətilə bir qrup təhsil işçisi təltif edilib. Təltif edilənlər arasında Kəlbəcər məktəblərini təmsil edən təhsil işçiləri də var. Onlar Azərbaycan Respublikası Elm və Təhsil Nazirliyinin Fəxri Fərmanı ilə təltif olunublar. 

1.Baxışov Şikar Xansuvar oğlu – Kəlbəcər rayonu 109 nömrəli tam orta ümumtəhsil məktəbinin təlim-tərbiyə işləri üzrə direktor müavini;

2.Bəndəliyeva Nuridə Səxavət qızı – Kəlbəcər rayonu 28 nömrəli tam orta ümumtəhsil məktəbinin coğrafiya müəllimi;

3.Hacıyeva Kəmalə Möhübbət qızı – Kəlbəcər rayonu Bəhmən Cəfərov adına 1 nömrəli tam orta ümumtəhsil məktəbinin Azərbaycan dili və ədəbiyyat müəllimi;

4.Həsənova Gülsarə Tağı qızı – Kəlbəcər rayonu 56 nömrəli tam orta ümumtəhsil məktəbinin fizika müəllimi;

5.Nurməmmədov Elçin Surxay oğlu – Kəlbəcər rayonu 114 nömrəli ümumi orta ümumtəhsil məktəbinin direktoru.

Dalidag.az