Tarixdə qeydə alınan dünyanın yeddi, bəzi mənbələrdə səkkiz möcüzəsi Tanrının əli ilə yaradılmış təbiət möcüzələrindən xəbərsiz insanların qənaəti ola bilər. İnsan nələrə qadir olursa olsun, nələr yaradırsa yaratsın qadir və yaradan Tanrının nəfəs verdiyi heç bir yaradılışı üstlənə bilməz. 
Dalidag.az bildirir ki, min bir gözəlliyi, ecazkar təbiəti, tarixin minilliklərindən xəbər verən dağları-daşları, laylalı çayları, nəğməli bulaqları ilə insanı ovsunlayan Kəlbəcər adlı o müqəddəs yurd da heç bir möcüzənin üstlənə bilməyəcəyi təkrarsızlığa malikdir. Təqdim etdiyimiz videoda sanki təbiət dil açıb, bütün gözəlliklər danışır. Güllər, çiçəklər, əlvan rənglərin çalarında əlçatmazlıq ehtiva edən dağlar sevgi, yaşamaq həvəsi aşılayır insana. Ruhun zirvə uçuşuna təkan verən məkandı Kəlbəcər. Xoşbəxtlik nəsibimizdir, o yurd bizim yurdumuzdu. Və şükür ki, illər sonra bu mənzərələri realda görmək arzumuz çin oldu.

Sevinc Qərib
Dalidag.az


P.S. Videonu redaksiyamıza təqdim edən Əməkdar jurnalist Rəhman Orxana təşəkkür edirik.