"Müharibənin əleyhinəyəm, amma Qarabağ Azərbaycan torpağı idi və belə də qalmalıdır"
Dalidag.az xəbər verir ki, bunu diaspor.info saytına müsahibəsində azərbaycan əsilli erməni Hrant Qudmanyan deyib. O, Ukraynanın Ujqorod şəhərində yaşayır. Azərbaycan SSR Vartaşen (indiki Oğuz) şəhərində anadan olub. Bakı hərbi məktəbində oxuyub. Azərbaycan dilində yaxşı danışır. Azərbaycanı vətəni adlandırır və iki dəfə televiziya reportajında vətəni üçün canını verməyə hazır olduğunu bildirib. Ukraynada ermənilərlə az ünsiyyət saxlayır, işgüzar əlaqələrinin hamısı azərbaycanlılarla bağlıdır. Prezident İlham Əliyevdən doğma yerlərini ziyarət etmək və valideynlərinin məzarlarını görmək üçün iki dəfə xahiş edib. Videomüsahibədə bir daha deyir:
"Mənim üçün Qarabağ Azərbaycan torpağıdır. Azərbaycanda heç kim mənə erməni dilində danışmağı qadağan etməyib. Mən istənilən müharibənin əleyhinəyəm, amma Qarabağ Azərbaycan torpağı idi və belə də qalmalıdır, Qrant deyir.
Dalidag.az