Keçmiş məcburi köçkün, Kəlbəcər rayonunun Çovdar kənd sakini, 1978-ci il təvəllüdlü Nazim Müstəcəb oğlu Əmrahov arı sancması nəticəsində dünyasını dəyişib. Yaxınlarının Dalidag.az- a verdiyi məlumata görə, hadisə Bakının Fatmayı qəsəbəsində müvəqqəti məskunlaşan Nazim Əmrahovun Tərtər rayonunda öz təsərrüfatında arılara baxış keçirərkən baş verib. O, baş nahiyəsindən arı sancmasına məruz qalıb. Görülən zəruri tədbirlərə baxmayaraq, onun həyatını xilas etmək mümkün olmayıb. Allah rəhmət eləsin!