İranın Dövlət Televiziyası hər bir iranlını mükafat fonduna 1 dollar keçirməyə çağırdı.

Britaniyanın “The Daily Mirror” saytı “en24”-ə istinadən xəbər veririk, İranın dövlət televiziyası Qasım Süleymaninin matəm tədbiri ilə bağlı canlı yayın verib. İranın molla rejimi bu hadisədən təbliğat vasitəsi kimi yararlanmağa çalışır. Ölkədə Amerikaya qarşı ciddi təbliğat kampaniyası aparılır.

İranın dövlət televiziyası bəyan edib ki, Amerika prezidenti Donlad Trampı öldürənə 80 milyon dollar mükafat veriləcək. Sui-qəsdi törədən şəxs bu mükafatı qəbul etməlidir.

Mükafatın 80 milyon dollar olması da təsadüfi deyil. Çünki İranda 80 milyon insan yaşayır. Ona görə də bu mükafatı yığmaq üçün xüsusi fond yaradılmalıdır və hər bir iranlı o fonda 1 dollar ödəməlidir.

Dövlət Televiziyasında belə çağırışların səslənməsi Qərbdə ağlasığmaz hadisə kimi qarşılanıb. Adı çəkilən media orqanları sözügedən elanın fars dilində olan mətnini də yayıblar. musavat.com 

Dalidag.az