Yaponiyanın baş naziri Kişida Rusiyaya qarşı əlavə sanksiyalarla bağlı Co Baydenlə razılaşır.

Tokio və Vaşinqton Rusiyaya qarşı əlavə sanksiyalar və Ukraynaya dəstəyin davam etdirilməsi ilə bağlı razılığa gəliblər.
Dalidag.az xarici KİV-ə istinadən xəbər verir ki, ABŞ prezidenti Co Baydenlə razılaşmanı Yaponiyanın baş naziri Fumio Kişida açıqlayıb.

O əlavə edib ki, ölkələr “Çindən təhlükə” ilə bağlı ümumi məsələlərdə birgə işləməyin vacibliyini də təsdiqləyiblər.

Bundan əvvəl Yaponiya Nazirlər Kabinetinin baş katibi Hirokazu Matsuno Tokionun anti-Rusiya sanksiyalarının gücləndirilməsi üçün səylərini davam etdirəcəyinə, həmçinin Kiyevə hər cür dəstəyin göstəriləcəyinə söz vermişdi.

Mayın 17-də ABŞ prezidentinin milli təhlükəsizlik üzrə müşaviri Ceyk Sallivan bəyan edib ki, Birləşmiş Ştatlar G7 sammitində əvvəllər tətbiq edilmiş məhdudiyyətlərin həyata keçirilməsinə yönəlmiş yeni anti-Rusiya sanksiyalar paketini elan edəcək.

Nigar N