Fərid Muradzadə

*  *  *
Deyirsən ki, tərk elədi, neyləyim?
Hamı kimi vəfasızdı bu adam.
Nə biləsən nələr çəkir içində,
Tükənibdir, şəfasızdı bu adam.

Bir kimsəni incitməyib, üzməyib,
Haqq yeməyib, haqsızlığa dözməyib,
Düzdə qalıb düz danışıb, düz deyib,
Hiyləsizdir, riyasızdır bu adam.

Kül etdilər alovunu, közünü,
"Filankəslər" batırdılar səsini,
Öz cismində itiribdir özünü,
Ünvansızdı, yuvasızdı bu adam.

Dalidag.az