Sərəncamda deyilir:"Müasir Azərbaycan dövlətinin qurucusu, dahi siyasi və dövlət xadimi, Azərbaycan xalqının Ümummilli Lideri Heydər Əliyevin 100 illik yubileyinin ölkəmizin tarixində əlamətdar hadisə olduğunu vurğulayaraq, Ulu Öndərin əbədiyaşar əziz xatirəsini dərin hörmət və ehtiramla yad edərək, onun bəşəri amallara, qanunçuluq və ədalət ideallarına söykənən zəngin mənəvi irsinə sadiq qalaraq, demokratik hüquqi dövlət quruculuğu istiqamətində fundamental islahatların həyata keçirilməsində Heydər Əliyevin misilsiz xidmətlərini, insan hüquq və azadlıqlarının qorunmasına xüsusi önəm verdiyini xatırlayaraq, humanizm, mərhəmət və insanpərvərlik ənənələrini davam etdirərək, cəzadan azad olunacaq şəxslərin müstəqil dövlətimizin rifahına və cəmiyyətin inkişafına öz töhfəsini verəcəklərinə inanaraq, məhkum olunmuş bir sıra şəxslərin, onların ailə üzvlərinin, Azərbaycan Respublikasının İnsan hüquqları üzrə müvəkkilinin, insan hüquqlarının müdafiəsi təşkilatlarının Azərbaycan Respublikasının Prezidentinə ünvanlanmış əfv haqqında müraciətlərinə baxaraq" onlar azad ediliblər.

Sözsüz ki, bu humanist bir addım, çox sayda ailənin böyük sevincinə səbəb olan mühüm hadisədir. Bu sərəncamın bir tərbiyəvi əhəmiyyəti də var ki, kim öz cinayət əməlini dərk edirsə, peşmançılıq hissi keçirirsə, bağışlanır. Ölkə başçısının bu addımı statusundan asılı olmayaraq hər bir Azərbaycan vətəndaşına diqqət və qayğının təzahürüdür. Eyni zamanda, bu sərəncam hüququn aliliyinə, insanların hüquqi davranışının tənzimlənməsinin önə çəkilməsinə verilən bir dəyərdir. 

İndi məhbus ömrü yaşayan Eldar Həsənov həmişə dövlətə və dövlətçiliyə, mərhum Prezident Heydər Əliyevə və onun siyasi kursunun layiqli davamçısı Prezident İlham Əliyevə sədaqətini, ləyaqətlə xidmət etdiyini sübut edib. Eldar Həsənov bu gün də eyni düşüncədə və eyni əqidədə olduğunu dəfələrlə vurğulayıb. 
Bir çoxumuuz, xüsusilə Kəlbəcər ziyalıları sözügedən əfv sərəncamının Eldar Həsənova da şamil ediləcəyini gözləyirdi. Təəssüflə qeyd edək ki, bu baş vermədi. Ancaq tez bir zamanda, cənab Prezidentin növbəti əfv sərəncamı ilə  peşəkar hüquqşünas, bacarıqlı diplomat  Eldar Həsənov da azadlığa çıxacağına inanırıq. Azadlıq, azad həyat hər kəsin haqqıdır. O cümlədən də hüquq - mühafizə sistemindəki çətin, burulğanlı dövrdə müstəqil Azərbaycanın dövlətçiliyinin qorunmasında üzərinə düşən vəzifəni layiqincə yerinə yetirən, əlindən gələni əsirgəməyən Eldar Həsənovun. Onu da qeyd edək ki, 68 yaşlı E.Həsənov bir neçə ağır xəstəlikdən əziyyət çəkir, səhhətində ciddi problemlər var. 

Vurğulayaq ki,  21.01 2022-ci ildə Serbiya, Monteneqro, Bosniya və Herseqovinadakı sabiq fövqəladə və səlahiyyətli səfiri olmuş Eldar Həsənov 10 il müddətinə azadlıqdan məhrum edilib.
Dalidag.az