İrəvan meriyasına şəhərlə bağlı yayımlanan videolarda Ağrı dağının görünməməsi barədə tapşırıq verildiyi iddia olunur.
Dalidag.az xəbər verir ki, bu barədə barədə Ermənistan mediası məlumat yayıb.  
İddiaya görə, Ağrı dağının göründüyü kadrlar aşkarlandıqda aidiyyəti qurumlardan videonu silmək və həmin görüntülər olmadan yenidən paylaşmaq tələb edilir.
Bu Baş nazir Nikol Paşinyanın Ermənistan üçün Ararat deyil, Araqats dağını önə çəkən açıqlamaları ilə əlaqələndirilir.
Eyni zamanda, Ermənistan hakimiyyəti ölkəyə giriş və çıxış zamanı pasportlara vurulan möhürdəki Ağrı dağının təsvirini götürüb, yeni pasportun nümunəsində isə Xor Virap monastırını Ağrı dağının görünmədiyi rakursdan təsvir edib”, - məlumatda deyilib.
 
Dalidag.az