TƏBİB-ə tabe olan tibb müəssisələrində kütləvi kadr dəyişikliyi aparılır.
Dalidag.az xəbər verir ki, müvafiq qərarla Respublika Pediatriya Mərkəzinin direktoru Azər Əhmədov da işdən çıxarılıb.
Qeyd edək ki, əslən Kəlbəcərdən olan Azər Əhmədov 2001-2007-ci illərdə Azərbaycan Tibb Universitetində həkim-pediatr ixtisası üzrə təhsil alıb. 2007-2008-ci illərdə Ə.Qarayev adına 2 saylı Uşaq Klinik Xəstəxanasında internatura keçib. 2015-2019-cu illərdə Türkiyədə Qazi Universitetində təhsilini davam etdirərək uzmanlıq dərəcəsi alıb. 2020-ci ildə Bakı Sağlamlıq Mərkəzinin Pediatriya Mərkəzinin rəhbəri, 2020-2023-cü illərdə isə K.Y.Fərəcova adına Elmi-Tədqiqat Pediatriya İnstitutunda direktor müavini vəzifəsini icra edib.
2024-cü il aprelin 18-dən indiyədək Respublika Pediatriya Mərkəzinin direktoru vəzifəsində çalışıb.

Dalidag.az